Kehewà 7:11 - Udél Dwata: Gna Kesfasad ne Lomi Kesfasad

¹¹ Okóm yó nmò Faro, htabahen yó kem tau hulung hmau bélê le ne yó kem tau demwata ne bud nmò le se kul yóm nmò Aron yó.

Kehewà 7:11 Referans Kwoze

Kehewà 7:22

Okóm yó kem tau demwata Faro yó, gotu bud nmò le se kul yó kem yó. Yó gónóm mon, sana tolo tey kgel kuluhen yóm Faro. Là kô nan e hnungol kul le Musis ne Aron, hol lómón yóm deng mon Dwata.

2 Timuti 3:8

Ni kem tau sekban ktolok le ni, mkél le bè tehe Janis ne Jambris, kem tau tehe tô matù ke Musis ekni. Senged se bè ni kem tau sekban ktolok le ni, mom natù le yóm ktahuhen. Deng semyat kehedem le, sekban yóm kehtahu le.

Kehewà 8:18

Lemwót yó kem tau gel demwata, tô nmò le se kul okóm là kô gmò le du. Tey lifet wen bè klamangen Idyip

Kehewà 8:7

Ne lemwót yó kem tau gel demwata, gotu bud nmò le se kul yóm yó ne tódô hesut ete kembu yó kem tey fak.

2 Tisalunika 2:9

Bè yóm angat ksuten yóm tau alì hulung mò sidek yó, Seitan yóm fen hol htulus du. Yó gónóm mon, tey dê hentaw ton nmoen mò gónón smukat tau.

Danyél 2:2

Yó nmoen, gotu htabahen yóm kdéen tau mton bù ne yó kem tau demwata ne yó kem tau hemgawang anì snólóken bélê le ke tedu yóm deng knahen. Timbow le kól bè yó, gotu le mdà bè solu yóm tau hol geta

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Danyél 2:27

Bnalà Danyél se, monen, “Laen kô dù tau temngón, duhen ke tau demwata, duhen ke tau hemgawang ke gembek tmulón du kóm yóm knahem.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

2 Timuti 3:9

Laen dù sfuhen yóm ktolok le yó. Kaem gfan bè kdéen tau yóm ungel le, lómón yóm tehe kegfan yóm kul ungel le Janis ne Jambris.

Kehewà 7:12

Bot le yóm kul tuged ne bud baling ulal. Okóm yóm kun tuged Aron, mom hlohen yóm kul.

1 Samwél 6:2

Lemwót yó kem gel malak bè yó kem Flistin, gotu htaba le yó kem tau gel blóng le ebè yóm kul dwata ne yó kem tau demwata bélê le snólók le bélê le, “Tedu kmò tekuy du yóm Slungan Dwata? Tulón ye kum yóm kmò khulék me du ebè yóm sana kun benwu gónó nô?”

Danyél 4:6

Yó gónóhu htaba yóm kdéen tau alì temngón bè Babilun anì tulón le dou hnigad yóm knahu.

Kehewà 8:3

Yóm él Nayl, angat tódô hono fak. Gotu le mógów ete kembu ebè gónô bongem, elem dfélem, bè gónóm tungô, ebè gónô yó kem genlalem ne ebè gónô yó kem tauhem. Ne balù bè kohù ye ne lem yó kem kuleng ye angat tódô hono fak.