Kehewà 7:10 - Udél Dwata: Gna Kesfasad ne Lomi Kesfasad

¹⁰ Tahu se, mógów le ebè Faro le Musis ne Aron na le e nmò yóm deng hmò Dwata kul. Bot Aron bè solu Faro ne yó kem tau genlalen yóm tugeden, tódô baling ulal se yóm tuged yó.

Kehewà 7:10 Referans Kwoze

Kehewà 4:3

Bud mon Dwata, “Botem ebè tonok kun.” Tahu se, bot Musis ne tódô baling ulal yóm tugeden, botong mlóy hlayuk Musis.

Kun Snulat Luk 10:19

Ngem, lemwót bè yóm kwalis deng blayu kuy,” monen, “là kô le bud lóbô bélê ye ne yó kem ulal, anien ke gdà ye lu, dalang se yó kem syufón. Ne balù sentenga se kun kgis yóm hohon tekuy Seitan, là kóen matù bélê ye.

Mark 16:18

Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Amus 9:3

Baluen he ke hebnos le te tfusù Bulul Karmél, olo ke là angat hnebelu kul ne kenfóu lu. Baluen he ke hebnos le ditu tlaan bè sokol mohin, olo ke là angat dóku yóm ulal bong lem mohin mò mékét kul.

Kehewà 7:9

“Ke yó mon Faro mò kuy, ‘Mò ye hentaw ton kun mò gónón gdilô ke tahu yóm mon ye.’ Ke yó se monen, dókem Aron anì boten bè solu Faro yóm tugeden ne baling ulal yóm tugeden yó.”

Kehewà 7:15

Yó gónóm mon, hlafus haya senlongem Faro bè yóm kógówen ebè él Nayl. Nwitem yóm tuged deng tehe baling ulal ne nangatem ditu bè kilil yóm él yó.

Kem Lingón 135:9

Tey dê hentaw ton nmoen bè Idyip mò tmafak ke Faro yóm tau hol geta ne yó kem genlalen.

Kehewà 7:6

Tahu se, tódô nmò Musis ne Aron yóm deng hmò Dwata kul yó.

Kehewà 7:20

Tahu se, hayahen bè yó, nmò Musis ne Aron yóm deng hmò Dwata kul yó. Tayal Aron bè solu Faro ne yó kem genlalen yóm tugeden ne fesen bè yóm él mlel bè yó ne tódô baling litô yóm él yó.

Kehewà 12:28

Omin le lemwót ne gotu nmò le yóm deng hlolò Dwata kul le Musis ne Aron.