Kehewà 7:1 - Udél Dwata: Gna Kesfasad ne Lomi Kesfasad

¹ Yó bud mon Dwata mò ke Musis, “Lómó kmou kóm bè Faro yó, lómón ke uu Dwata ne yóm twoguhem Aron mò fen gel tugodem ebè Faro.

Kehewà 7:1 Referans Kwoze

Kem Lingón 82:6

Yó tehe monu mò kul yó kem tau kmukum yó, ‘Lómón ke dwata ye, hono ye ngà yóm Dwata Hol Dandónen Geta.

Jirimaya 1:10

Kemdaw ni wen kwalis blayu kóm mò mudél ebè yó kem dê kay but tau ne ebè yó kem tau hol geta mogot kul. Hol lómón kmoem kul, wen se kendutem ne wen se hnugónem, wen se genlaem ne wen se hebtangem. Okóm bud wen se bélê le bud hdaem ne wen se bélê le hol lómón ke bud huluhem.”

1 Bok Kem Tau Hol Geta 17:23

Omin Ilaydya bud mit du elaan yóm ngà ne blayen ke yéen, yó monen mò ke yéen, “Tenngelem dé deng bud mowil yóm ngaem.”

2 Bok Kem Tau Hol Geta 6:32

Lemwót yóm tau hol geta wen tau hógówen ebè Ilaysa. Tolo nô bè gónóen Ilaysa, mung seyón stulón bè yó kem tau malak bè Israél. Okóm gu laanen là deng sut yóm tau dók yóm tau hol geta yó, yó udél Ilaysa ebè yó kem tau malak, monen, “Yóm sotu tau monok, deng wen tau hógówen mò kemleng liholu. Ke sut yóm tau yó, hol tnikeb ye bak dól, bê ye abay hfusek, abay se huli du yóm tau hol geta.”

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

Tekang Kbuten 19:21

Ne yó balaen ke Lat yóm hógów Dwata yó, monen, “Yó ne, nmungu yóm kóyóem. Là dog homong genlau du ne yóm ngà benwu yó.

Kem Lingón 78:12

Tey wen hentaw ton tehe nmò Dwata bè yó kem fù le bè yóm tehe knô le bè Idyip bè datal Suan.

Kul Nmò 7:7

Okóm angat tnafaku yó kem tau hmayam kmifen kul yó, ne kogolen bè yó, angat wen lanu hefewà yó kem lugodem bè yóm benwu yó, ne bè nim benwu deng fasadu kóm ni angat gónó le tmaba dou.’Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.