Kehewà 6:9 - Udél Dwata: Gna Kesfasad ne Lomi Kesfasad

⁹ Tulón Musis yó kem tau Israél nim ni, okóm là kô dog hnungol le du abay se deng alì sidek kebà nawa le lemwót bè yóm alì keghesek le.

Kehewà 6:9 Referans Kwoze

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

Kem Udél Hlalak Tehe Selumun 14:19

Yó kem tau gel mò sidek gel le hegdanà bè yó kem tau tedeng kmò le ne hkodu le bélê le snéen.

Lista 21:4

Bud kewót le bè yó bè Bulul Hor yó kem tau Israél, lolò le yóm lan mógów ebè Mohin Hulô anì mlan le bè yóm lan hmilol yóm benwu Idom. Okóm bè yóm igò le mógów, baling sukeg nawa le

Kehewà 14:12

Ilóem là deng tehe tulón me du kóm gu laan tekuy là deng lemwót bè Idyip, tódô bayaem mi ne bè yóm keghesek me bè yó kem tau Idyip? Mom hyu ne ke ghesek me ditu senta ke matay me bè nim benwu laen hol wen tauhen nii.”

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Kehewà 6:10

Omin Dwata mon du mò ke Musis,

Kem Udél Hlalak Tehe Selumun 18:14

Yóm tau gbeken hembala yóm desen, yó se yóm tau tolo móyô mowil, okóm ke là buden móyô laen kô dù kmoem du.