Kehewà 6:8 - Udél Dwata: Gna Kesfasad ne Lomi Kesfasad

⁸ Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”

Kehewà 6:8 Referans Kwoze

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Dwata 32:40

Ou se yóm hol tahu Dwata là matayen. Hdau eta hólólu mò ilô yóm angat kehdohou du yóm angat nmou.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Tekang Kbuten 35:12

Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Isikél 36:7

Yó gónóm mon, ni se bud udél yóm sana Dwata hol dandónen geta, deng hdau eta sigelu mung du safau. Yó kem benwu hmilol kuy yó, angat bud lu ne tles gemnóm du yóm tey sidek kyak.

1 Samwél 15:29

Hol knóón yóm kul Dwata yó kem tau Israél, là kóen mò kéng ne là gel tenlesen du hendemen abay se là mkélen bè tau tonok, gel megetles kehedemen.”

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 6:2

Yó udél Dwata ebè Musis, monen, “Ou se yóm sana Dwata hol gónó mogot.

Deng Hegfan 10:6

ne wen fasad nmoen hlanen bè boluy Dwata, yóm Dwata laen kô dù tul katayen, yóm deng tehe dmimun longit ne tonok ne mohin ne yó kem kentihen nô lem le. Yó udél yóm hógów Dwata yó, monen, “Laen dù bud gónón ganggà ne ni.

Lista 14:30

Deng tehe fasaden kuy se yóm angat knô ye ditu okóm laen dù bélê ye gehlós edu, tek són le Kalib yóm ngà Jifuni, lewu le Juswa yóm ngà Nun.

Juswa 24:13

Ou se bemlay du kuy yóm tonok là tehe yu du mò nmò tahen ne yóm syudad là tehe yu du hdà du. Ne ni deng ye nô tahen yóm tonok yó ne ken ye yó kem grép là tehe kuy hulu du ne yó kem bungu ulib lemwót bè yó kem koyu là tehe kuy hulu du.”

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Kehewà 6:4

Tehe wen senfasad me. Yó fasadu kul, duhen yóm keblayu du kul yóm benwu Kanan yóm benwu tehe gónó le e milo.

Lista 11:12

Là kô ou du tehe mò kul ne là se ou du tehe mngà kul. Moen du, Dwata, ke ou fen hesegyokem kul? Hol lómón ke hsiwihem do ni kem tau ni efet le kól bè yóm benwu tehe fasadem yó kem tehe fù le.

Dwata 4:31

Yóm Dwata, tey kmodu. Là kô nan e bayà kuy ne là se kô nan e genlà kuy. Ne là se kô nan e klifót du yóm deng kesfasad le yó kem tehe fù ye.