Kehewà 6:7 - Udél Dwata: Gna Kesfasad ne Lomi Kesfasad

⁷ Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Kehewà 6:7 Referans Kwoze

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.

Dwata 26:18

Kemdaw ni deng henmóyô Dwata yu mò hol kun tau, lómón yóm deng fasaden kuy. Yó hloloen kuy, hol nimón ye yóm kdê hlauhen.

Deng Hegfan 21:3

Ne tódô gungolu se yóm mudél lemwót bè yóm bangkù gónón myón yóm fen kmamal, hgelen udélen, monen, “Ngem yóm kun gónó nô Dwata, deng eles nô lem blóng kem tau ne. Angat tódô hlós nô bélê le, ne lu se baling kem kun tau. Là kóen na a bud skó bélê le ne, yakà du se kul Dwata.

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Matyu 22:32

‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Isaya 41:20

Yó kem nmou yó, angat kdéen tau gotu mton du ne temngón du ou se yóm Dwata hol gónó mogot fen mò du. Ne tódô tngón le yóm kul Dwata yó kem tau Israél yóm Dwata laen dù belenen, du se mò du yóm ni.” Là gomongen bè nili yóm bérs 21 kól bè bérs 29. Bè ni kem bérs ni, htulón Dwata ke Isaya yóm kewóten béléen yóm kegmò Sayrus yóm tau hol geta bè Persya, bè yóm kleden yó kem dê benwu ne yóm bud keblayen kul kwalis mulék ebè kul benwu yó kem tau deng negef le. Yó sotu htulón Dwata ke Isaya yóm klaen dù muhen yóm gel ktaba le bè yó kem dwata kéng, abay se là gbek le tmulón du yóm mò kmoen bè yóm gnahen ne là se gbek le tmulón du yóm mò kmoen bè hulin, ne là se gbek le mò du yó kem hentaw ton. Mon Isaya mò kul yóm kul dwata kéng yó, laen kô dù lemen lómón lenos. Okóm gbek Dwata eles tmulón du kul yóm mò kmoen elem haya. Yó tulónen kul yóm kóyónen kól yóm sotu mò tmóbóng kul bè yó kem hohon le, deng sana gu ditu ne. Dwata se tmóbóng du mò gemlà yó kem hohon le.

Kem Lingón 81:6

“Henwósu ta abal ye yó kem blat nbô ye. Kóhu lem tdok ye yó kem nmò alì blat.

Kehewà 16:12

“Deng gungolu yóm alì ktalaw yó kem tau Israél. Tulónem kul bè nim móyón kkifuhen ni kdeng wen utón mò utón le. Ne hlafus haya wen mò ken le balù nô kbong kul kóyô. Bè nim nmou bélê le ni gónó le temngón du ou se yóm sana kul Dwata hol gónó mogot.”

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 2:11

Timbow deng mtétél knawa Musis, yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru.

Kehewà 16:6

Tahu se, tulón Musis ne Aron bè yó kem tau Israél nim ni, mon le mò kul, “Bè nim móyón kkifuhen ni, tódô tngón ye yóm sana kuy Dwata hol gónó mogot, yóm deng hewà kuy gu bè Idyip.

Isaya 49:23

Yó kmò yó kem tau hol geta mogot bè yó kem benwu yó, lómón ke hol ngà le yu. Ne yó kem libun boi yehen le, lómó kmò le ebélê ye lómón ke hol kuy yê. Tey keheglaan le ebélê ye ne tey kadat le kuy. Angat wen lan le hegfan du ebélê ye yóm kadat le kuy. Bè yóm kmò le ebélê ye yó, bè yó gónó ye temngón du ou se yóm Dwata gónó ye mogot. Laen dù tau sidek nawan ke nangaten yóm któbóngu du.

Isaya 49:26

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”

Isaya 60:16

Yó kem dumu benwu ne yó kem tau hol geta mogot kul, angat hol sen-gyok le uu hol lómón yóm libun gel sen-gyoken ngaen. Bè yó se gónóm temngón du ou se yóm Dwata hol lemwà kóm, yóm Dwata yó kem tau Israél yóm Dwata laen dù là gbeken du.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul

Jirimaya 30:22

Bè yóm kdaw yó, yu se mò dou tau ne ou se mò kuy Dwata.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Kehewà 7:17

Duhen ni, wen bud udél Dwata ebéléem. Mlan bè nim nmoen ni gónóm temngón du, du se yóm sana Dwata hol gónó mogot. Ngem, fesu bè él nim tugedu nii anì tódô baling litô nim él ni.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kehewà 14:18

Bè yóm kegmou bélê le, bè yó gónó le temngón du yó kem tau Idyip ou se yóm sana Dwata hol gónó mogot.”

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

1 Bok Kem Tau Hol Geta 8:60

anì yó, tódô kdéen tau bè klamangen benwu, gotu temngón du Dwata se yóm hol gónó mogot, laen kô dù dumu Dwata, tek sónen du.

Nihimaya 1:10

Ó Dwata, hono kem tau tóbóng lówóhem se yó kem tau Israél monem yó, hono kem kóm tau. Deng tehe hewaem lu mlan bè yóm tey kfasangem ne bè yóm tey kgisem.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.