Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”
Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.
Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.
Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.
Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.
Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.
Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”