Kehewà 6:30 - Udél Dwata: Gna Kesfasad ne Lomi Kesfasad

³⁰ Okóm yó balà Musis du, monen, “Tngónem se là kóe hulung mudél. Neet he ke tô hnungol Faro ou.”

Kehewà 6:30 Referans Kwoze

Kehewà 6:12

Okóm yó balà Musis du, monen, “Sélét mom tô Faro ne hmungol dou anien se yó du kem tau Israél, là kô hnungol le dou. Abay se là hulunge mudél lem blóng kem tau.”

Kehewà 4:10

Okóm mom yó balà Musis du, monen, “Hnifótem o, Dwata. Béem hógów ou etu. Yakem hulunge mudél lem blóng tau dou. Tódô lemwót bè kbuten efet nim kestulón te ni, là kóe hol hulung mudél. Malù batul kudélu.”

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Jirimaya 1:6

Yó balau ke Dwata, monu, “Adéy Dwata yóm hol dandónen geta, là gbeku du ke ou mò hudélem. Yakà hanae lomi tau.”