Kehewà 6:3 - Udél Dwata: Gna Kesfasad ne Lomi Kesfasad

³ Bè yóm tehe kehegfanu bè Abraham ne bè Isak ne bè Jakub, ou se yóm Dwata alì gembek. Okóm là kô deng hetngónu du kul he ke ou yóm sana Dwata hol gónó mogot.

Kehewà 6:3 Referans Kwoze

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

Kem Lingón 68:4

Semngal tekuy ebè Dwata, sngal tekuy yó kem sngal dmóyón yóm kun boluy. Hol dóyón tekuy yóm myón smakay lobun. Dwata se boluyen. Hol tekuy hligal bè soluhen.

Kehewà 3:14

Mon Dwata se, “Yó monem mò kul, ‘Ou se yóm sana Dwata laen kô dù buten ne laen se kô dù tul sónen.’ Hol tulónem kul ou se yóm sana Dwata, yóm hógów kóm ebélê le ni.

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Deng Hegfan 1:4

Ou se Jan gónón lemwót nim sulat ni. Hwitu ebè yó kem tau hemtahu bè yó kem hitu simbahan bè prubinsya Asya. Yó hem Dwata ne yóm Tulusen ne Jisas Krays hol tendo tmóbóng kuy, ne tendo henek nawa ye. Ni se yóm sana Dwata tenbut bè kbuten efet nim kmoen ni, ne du se yóm móyón bud sut ni. Yóm Tulus Dwata, wen hitu kay kfasangen ne eles tendo nô bè solu Dwata, bè yóm gónón myón kmamal.

Kun Snulat Jan 8:58

Ne mon Jisas se mò kul, “Tódô tulónu kuy ktahuhen, gu laan Abraham là deng sut, deng sana kem yó ne dou.”

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Tekang Kbuten 22:14

Yó hlós boluy Abraham du yóm bulul yó, “Dwata fen bemlay.” Efet nim kmoen ni, gel mon yó kem tau, “Bè yóm kun bulul Dwata, du fen bemlay.”

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Kehewà 15:3

Hol tahu sendalù hulung mit sfatay yóm Dwata. Yó boluyen, duhen yóm Dwata hol gónó mogot.

Kehewà 23:21

Hol hnungol ye yóm hógówu tukô gna kuy yó ne hol nimón ye. Hol bê ye abay tô natù, yakà dou boluy du yóm nwiten. Là kô hnifóten du yóm tau tô matù du.

Rut 1:20

Okóm mom yó balà Numi kul, monen, “Bê ye bud boluy do Numi ne. Yó tles boluy ye do Mara abay se deng tey kehféét Dwata klowilu.Bè yóm tehe kewótu gu dini, tey hyu klowil me. Okóm ni, tódô hulék Dwata o hkawang yóm Dwata alì gembek. Yó gónó ye là bud tmaba do Numi, yakà deng wen hegfà Dwata do yóm Dwata alì gembek ne deng tey sidek yóm hegnómen do.

Jirimaya 33:2

“Ni se udél Dwata yóm Dwata tehe mò longit ne tonok. Yó hol kun boluy duhen yóm sana Dwata hol gónó mogot. Yó monen,

Isikél 37:6

Bud nmou ulat ye ne unged ye ne bud nmou kulit ye. Wen nawa suu bélê ye anì bud ye mowil. Omin ye yó he temngón du ou se yóm sana Dwata hol gónó mogot.’ ”

Isikél 37:13

Ke deng nmou bélê ye nim ni kem dou tau, yó he angat ketngón ye du ou se yóm sana kuy Dwata hol gónó mogot.