Kehewà 6:2 - Udél Dwata: Gna Kesfasad ne Lomi Kesfasad

² Yó udél Dwata ebè Musis, monen, “Ou se yóm sana Dwata hol gónó mogot.

Kehewà 6:2 Referans Kwoze

Malakay 3:6

“Ou se yóm sana Dwata hol gónó mogot ne là kóen monol nawahu. Yó se gónó ye là deng sulék meglà yu kem sfu Jakub lemwót bè yóm là konol nawahu.

Jirimaya 9:24

Ke wen tau móyô megsalù, yó dé salù le yóm ketngón le dou ne yóm ketnef le yóm dou kmò. Salù le ou dé yóm Dwata tedeng kkukumen ne tedeng kmoen. Ne yóm kbong nawahu tau là kóen monol. Ni kem ni koni gónóhu hligal. Ou se Dwata nim mudél ni.”

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Isaya 43:15

Ou se gónó ye mogot yó kem tau Israél yóm Dwata laen dù belenen. Deng nmou yu ne ou se yóm hol dandónen geta bélê ye.”

Isaya 43:11

Tek sotuhu Dwata, tek sotuhu gembek lemwà kuy.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Kehewà 17:1

Tódô kdê yó kem tau Israél gotu tnagak le yóm benwu laen hol wen tauhen boluyen Sin. Ngang le mógów efet tey dê benwu lan le, tódô lolò le yóm hlan Dwata kul. Bè yóm kógów le yó na le kmamfù bè Rifidim, okóm bè yóm benwu yó laen dù él mò ninum bè yó.

Kehewà 14:18

Bè yóm kegmou bélê le, bè yó gónó le temngón du yó kem tau Idyip ou se yóm sana Dwata hol gónó mogot.”

Kehewà 6:8

Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Kehewà 3:14

Mon Dwata se, “Yó monem mò kul, ‘Ou se yóm sana Dwata laen kô dù buten ne laen se kô dù tul sónen.’ Hol tulónem kul ou se yóm sana Dwata, yóm hógów kóm ebélê le ni.

Kehewà 3:15

Tulónem yó kem tau Israél ou se yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Ou se yóm hógów kóm ebélê le. Yó se yóm dou boluy efet kól bè laen dù tul sónen. Yó se yóm angat bud gel taba le do yó kem lugod le elem hulin kdaw.

Kehewà 6:29

monen mò du, “Ou se yóm sana Dwata hol gónó mogot. Tulónem ke Faro yóm kdê deng monu mò kóm.”

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Kehewà 15:3

Hol tahu sendalù hulung mit sfatay yóm Dwata. Yó boluyen, duhen yóm Dwata hol gónó mogot.