Kehewà 6:12 - Udél Dwata: Gna Kesfasad ne Lomi Kesfasad

¹² Okóm yó balà Musis du, monen, “Sélét mom tô Faro ne hmungol dou anien se yó du kem tau Israél, là kô hnungol le dou. Abay se là hulunge mudél lem blóng kem tau.”

Kehewà 6:12 Referans Kwoze

Kehewà 4:10

Okóm mom yó balà Musis du, monen, “Hnifótem o, Dwata. Béem hógów ou etu. Yakem hulunge mudél lem blóng tau dou. Tódô lemwót bè kbuten efet nim kestulón te ni, là kóe hol hulung mudél. Malù batul kudélu.”

Jirimaya 1:6

Yó balau ke Dwata, monu, “Adéy Dwata yóm hol dandónen geta, là gbeku du ke ou mò hudélem. Yakà hanae lomi tau.”

Kehewà 6:30

Okóm yó balà Musis du, monen, “Tngónem se là kóe hulung mudél. Neet he ke tô hnungol Faro ou.”

Jirimaya 6:10

“Ke eles tulónu kul nim udélem ni,” mon Jirimaya mò ke Dwata, “tau du se hmungol dou? Deng henseng le klingu le, là kô hnungol le du yóm udél htugodem dou, deng mom knuli le. Balù udì ke wen óyô le hmungol du.

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Kehewà 6:9

Tulón Musis yó kem tau Israél nim ni, okóm là kô dog hnungol le du abay se deng alì sidek kebà nawa le lemwót bè yóm alì keghesek le.

Kehewà 3:13

Okóm yó bud mon Musis, “Ke mógówe ebè yó kem tau Israél ne monu mò kul, ‘Hógówen o ebélê ye yóm sana Dwata yó kem tehe fù ye,’ mò kmoen se ke snólók le boluyem? Tedu se tulónu kul?”

Jirimaya 9:26

duhen yó kem tau Idyip ne tau Idom ne tau Amun ne tau Muab ne yó kem tau menwu bè yóm benwu laen hol wen tauhen. Ni kem tau ni, hono kem tau là hemtahu bè Dwata. Tahu se, balù yó kem tau Juda gomong tnafaku. Senged snéen yó kem tau Israél, skél le bè yó kem tau là hemtahu le bè Dwata. Htulì le, okóm là kô tenles le du kmò le.”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Dwata 30:6

Wen óyô mimón angat blay Dwata kuy dalang se yó kem angat semfu gu bélê ye anì hol lemwót bè nawa ye yóm kbong nawa ye du ne mowil ye.

Kehewà 3:11

Okóm yó balà Musis ke Dwata, monen, “Ê, blaem olohu tau hkawang he dou. Là kô gbeku du dou mógów ebè Faro anì naw e nwit lu hewà bè Idyip yó kem tau Israél.”

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Kehewà 6:13

Yó mon Dwata mò ke Musis ne Aron, “Hol tulón ye yó kem tau Israél ne bè Faro, deng dóku yu mò mit kul hewà bè Idyip yó kem tau Israél.” Là gomongen bè nili yóm bérs 14 efet kól bè bérs 27. Hono boluy yó kem fes lówó le Musis ne Aron.