Kehewà 6:1 - Udél Dwata: Gna Kesfasad ne Lomi Kesfasad

¹ Omin Dwata mon du mò ke Musis, “Ni hol hnénégem yóm angat nmou bè Faro yó. Angat gnagahu anì hewaen lu yó kem dou tau. Bè ktahuhen, angat hdóhen lu bè yó bè kun benwu.”

Kehewà 6:1 Referans Kwoze

Kehewà 12:33

Ya tey keheslò le kul yó kem tau Idyip anì géhél tebel le yóm benwu yó. Yó mon le, “Ke là géhél ye lemwót angat me gotu matay.”

Kem Lingón 136:12

Hewaen lu lemwót bè yóm tey kgisen. Laen kô dù tul sónen yóm kbong nawahen tekuy là monolen.

Kehewà 12:39

Gotu tnógó le bè lan yó kem mambang laen dù bulung henoken nwit le gu bè Idyip. Yó gónón laen dù bulung henoken abay se tey meslò yóm kehewót le kul, laen dù uras le na mangat du kenok yóm mambang. Ne laen se dù uras le hemtifes du yóm dumu ken le.

Kehewà 12:31

Bè yóm kifu yó, bud htaba Faro Musis ne Aron ne monen mò kul, “Mdó ye bè ni bè dou benwu, nwit ye yó kem dumu ye Israél. Géhél ye lemwót ne na ye e tmaba bè yóm kuy Dwata, hol lómón yóm deng hni ye béléu.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kehewà 11:1

Deng eles wen udél Dwata ebè Musis, monen, “Olon sotu ne duen tafak hwitu ebè Faro ne klamangen Idyip ne bè yó kem tauhen. Kogol yóm tafak yó hewóten yu ne. Bè ktahuhen, gotu tódô hdóhen yu bè ni.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Kem Lingón 89:13

Teyi mfasang, Dwata, ne teyi gembek.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

2 Tutul Israél 20:17

Okóm là kô yu du mit kul sgida. Olo ye tódô htuhod mdà, tenngel ye yóm kegmò Dwata bélê le yó kem hohon ye. Ó kem tau bè Juda ne kem tau bè Jirusalim, Dwata se nô bélê ye. Hol bê ye abay hlikò, ne bê ye abay hunu nawa ye. Haya mógów ye etu, abay se nô bélê ye Dwata.”

2 Bok Kem Tau Hol Geta 7:19

Yó tehe mon yóm tau genlal bè yóm tau hol geta deng matay yó koni, “Hol mou kun ne ke dohò yóm yó anien ke lenungkà Dwata yó kem tenbó beng bè longit.” Yó deng balà Ilaysa du, monen, “Angat tonem he, okóm là kô nam e gken du kóm.”

2 Bok Kem Tau Hol Geta 7:2

Okóm mudél yóm sotu genlal alì snalig yóm tau hol geta yó, monen, “Hol mou kun ne ke dohò yóm yó anien ke lenungkà Dwata yó kem tembó beng bè longit.” Bnalà Ilaysa se, monen, “Angat tonem he, okóm là kô nam e gken du kóm.”

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Lista 23:23

Ni kem tau Israél ni, laen kô dù tau gembek hemmulà kul, laen kô dù gmò le bélê le yó kem tau demwata. Ne nim kmoen ni, yó mon yó kem tau gbak ebè yó kem tau Israél, ‘Tenngel ye dé yóm deng nmò Dwata bélê le.’

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Kul Nmò 13:17

Bè yóm tehe yu ekni, deng tódô nélék Dwata yó kem tau gónó tekuy gu semfu. Bè yóm tehe knô le bè Idyip, bè yóm benwu sundu kul du, tey kehból Dwata kul. Ne bè yóm bud kehewaen kul, tey kehegfanen du bélê le yóm kfasangen.

Kehewà 7:4

Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kehewà 7:5

Yó he ketngón le do yó kem tau Idyip, ou yóm sana Dwata hol gónó mogot ke sok tayalu eta sigelu mò tmafak kul ne ke sok nwitu hewà bè yóm kul benwu yó kem tau Israél.”

Kehewà 15:6

Yóm sigel kwananem, Dwata, tey knikò yóm kgisen, gotu genlaen yó kem hohonem.

Lista 11:23

Ne yó balà Dwata du yóm udél Musis yó, monen, “Wen kô yóm là gbeku du? Móyón tonem ne ke tahu duhen ke là ni kem monu ni.”

Kem Lingón 12:6

Yóm fasad Dwata, laen kô dù belenen. Lómón blówón bukay deng hitu dulék le tmógó du bè ofi anì laen kô dù bolen.