Kehewà 5:8 - Udél Dwata: Gna Kesfasad ne Lomi Kesfasad

⁸ Okóm hol skél bè kwen yóm gnan yóm bud nmò le ni, béen abay kensong. Yó se gónó le gel mógów ebéléu anì hlusu lu na a demsù ebè yóm kul Dwata abay se laen dù hol nmò le.

Kehewà 5:8 Referans Kwoze

Kem Lingón 106:41

Blayen lu elem hólól yó kem hohon le, ne yó kem tau kmutó nawa kul fen mogot kul.

Kehewà 5:7

“Bê ye abay bud benlay lu lami yó kem tau Israél ke mò bol le bè yóm tonok miket gel nmò le ngom gónô. Tódô hebel ye lu yóm mò kul.

Kehewà 5:9

Hol heblat ye yóm hmò ye kul ni kem tau ni ne hol nmò ye gónó le meglala anì laen dù uras le hmungol yó kem tulón kéng lemwót gu bè le Musis.”

Kehewà 5:17

Mom yó balà Faro kul, monen, “Abay se mduk ye, là móyô ye mò nmò. Ne yó se gónó ye mbal béléu anì tô hlusu yu na a demsù ebè Dwata.

Kehewà 5:19

Ya tey sidek ktafa nawa yó kem tau Israél gel malak yó yóm kmon Faro du mò kul, “Hol hsenged ye bè yóm gnan yóm kwen ngom gónô bud nmò ye ket kdaw.”

Kehewà 1:11

Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.