Kehewà 5:4 - Udél Dwata: Gna Kesfasad ne Lomi Kesfasad

⁴ Yó mon Faro mò kul le Musis ne Aron, “Tedu hendem ye gónó ye là bud hmò kul nmò yó kem tau? Bud hulék ye lu bè kmò le nmò dé yó kem hesek yó.

Kehewà 5:4 Referans Kwoze

Kehewà 1:11

Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.

Kul Nmò 24:5

Nim Pol ni,” monen, “són sembeweg kem tau menwu nmoen. Sónmoen tendo hesbeweg kehedem kdéen Ju bè klamangen benwu. Du se gel malak yó kem tau lemolò du yóm kun tolok yóm tehe tau lemwót gu bè Nasarit.

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Amus 7:10

Timbow gungol Amasaya, yóm tau gel blóng le ebè Dwata bè Bétél yóm tulón Amus yó, tódô kendel hemwit udél ebè Jirubuam yóm tau hol geta bè Israél, monen, “Deng natul Amus uu bè ni lem blóng yó kem tauhem. Yó kem udél deng lemwà gu lem baken hono sidek mit hguluk bè nim benwu ni.

Jirimaya 38:4

Duhen yó, lemwót yó kem genlal bè Juda yó mógów le ebè yóm tau hol geta bélê le, mon le mò du, “Ó Sér, tódô hnatay tekuy ne nim tau ni. Ngem ni dé lemwót bè yó kem tendo gel tulónen, botong lana bè yó kem dù sendalù tekuy yóm kfól nawa le dalang se bè yó kem dumu tau tebel bè nim syudad ni. Yó kem gel tulónen laen kô gónón gemtóbóng yó kem tau, deng mom hensideken lu.”

Kehewà 2:11

Timbow deng mtétél knawa Musis, yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru.

Kehewà 6:5

Ne ni, deng gungolu yóm alì ktaba le ebéléu yó kem tau Israél, yó kem tau alì hesek yó kem tau Idyip. Ne gtulón nawahu yóm tehe kesfasad me le Abraham, yó kem tehe fù le.