Kehewà 5:2 - Udél Dwata: Gna Kesfasad ne Lomi Kesfasad

² Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Kehewà 5:2 Referans Kwoze

Kehewà 3:19

“Okóm,” mon Dwata, “deng eles tngónu là kô bayà Faro kuy ke là hol gnagahu du.

2 Bok Kem Tau Hol Geta 18:35

Deng wen dwata lennged kô gbeken lemwà benwuhen lem hólólu? Moen se ke hendem ye gbek Dwata lemwà yóm syudad Jirusalim lem hólólu?”

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kun Snulat Jan 16:3

Yó gónó le angat mò du bélê ye ni kem ni, abay se là tngón le ke Mà, ne là tngón le do snéen.

Kem Lingón 14:1

Bè kul kehedem yó kem tau là hulungen hedem, gel henkéng le ke wen Dwata. Yó kem tau yó, hono sidek kehedem le, ne hono sidek yóm gel nmò le. Balù sotu bélê le ke mò du yóm tedeng.

Kem Lingón 12:4

Yó mon le, “Guta me yóm nóyô me mlan bè udél me. Kihu mon me, laen dù tau gembek hemseng kum.”

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

2 Tutul Israél 32:19

Yóm kudél le eta yóm Dwata yó kem tau bè Jirusalim yó kem genlal yó, hol lómón ke skél bè kul dwata yó kem dumu tau talak tonok yóm dwata nmò tdok tau.

2 Tutul Israél 32:15

Yó gónóm mon, bê ye abay hegsukat bè Hisikaya, bê ye abay hegtondo béléen ne hol bê ye abay hentahu, abay se laen kô dù dwata bè dumu benwu ke deng gbek le lemwà kem tau le lem hólólu, ne lem hólól yó kem tau hol geta tehe fù me. Sélét mom tô Dwata ye ne gembek lemwà kuy lem hólólu.”

1 Samwél 2:12

Wen lewu kem ngà Ili logi bede hono sidek yóm gel nmò le, snonol le Dwata, là kô nadat le du.

Kehewà 7:17

Duhen ni, wen bud udél Dwata ebéléem. Mlan bè nim nmoen ni gónóm temngón du, du se yóm sana Dwata hol gónó mogot. Ngem, fesu bè él nim tugedu nii anì tódô baling litô nim él ni.

Kmukum 2:10

Timbow le deng gotu matay se kul yó kem tau Israél tolo mowil bè yóm kdaw yó, lemwót yó kem lugod le tmodol huli kul, deng mom knogol le yóm sana kul Dwata hol gónó mogot, klifót le yóm deng tehe nmoen bè yó kem tau Israél.

2 Tutul Israél 32:14

Laen kô dù bè yó kem dwata deng genlà yó kem tau hol geta bélê me ke gembek lemwà yó kem tau le lem hólól me. Yó kô hendem ye gbek Dwata ye lemwà kuy lem hólólu? Neet he.

Nihimaya 9:10

Wen kem tey knikò tehe nmoem bè yóm tau hol geta bè Idyip ne bè yó kem genlalen dalang se bè yó kem tauhen abay se deng eles tngónem yóm tey kehegnok le yó kem tauhem yó kem tau Idyip. Lemwót bè yóm kegmoem, Dwata, yó se gónóm tótól efet yóm kmoen ni.

Jirimaya 42:13

Okóm ke là nimón ye du yóm sana kuy Dwata hol gónó mogot ne ke mon ye, ‘Là kô me móyô nô bè ni.’

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

1 Samwél 25:10

Okóm yó balà Nabal yó kem tau dók Dabid, monen, “Tau du de nim Dabid ni? Tmau du de nim ngà Jisi ni? Ni kmoen ni tey dê tau dók henlóy le ogot le.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”