Kehewà 5:1 - Udél Dwata: Gna Kesfasad ne Lomi Kesfasad

¹ Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”

Kehewà 5:1 Referans Kwoze

Kehewà 10:9

Mon Musis se, “Tódô kdê me, mung kum kem ngà me ne yó kem tuha bélê me. Nwit me kem ngà me logi ne kem ngà me libun ne kem ubiha me ne kem kambing me ne kem safì me abay se mò me ken bong mò gónó me hegfan yóm kadat me ke Dwata, yóm sana kum Dwata hol gónó mogot.”

Kul Nmò 4:29

Ne ni, Dwata, hol hnungolem yóm tey kifis le kum. Hol ten-gelem mi kem kóm tau, anì là likò me tmulón du yóm kóm tulón.

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

1 Kurin 5:8

Duhen yó, bè yóm kken tekuy bè yóm Kdaw Khius, hol kó tekuy ke wen ken bali, duhen yóm dê gónó kuy gemsalà. Yake tles tekuy du yóm ken lomi, duhen yóm nawa laen dù belenen ne yóm kestulón laen dù kéngen.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Matyu 10:18

Lemwót bè yóm klolò ye do gónó le angat mit kuy bè solu yó kem gubérnor, ne bè yó kem tau hol geta. Yó se kdaw ye tnana hetngón du bélê le yóm Tulón Hyu, dalang se ebè yó kem tau là Ju le.

Isikél 2:6

Béléem kóm, Tau Tonok, hol béi abay hlikò bélê le. Béem knikò yó kem dê gel udél le, baluen ke lómón ktelemen yó kem sual ne lómón kdesen ékét syufón. Béem abay knikò yóm gel ketngel le des, abay se hono le tau là mimón yóm kdê le.

Isaya 25:6

Bè yóm bulul Sayun ni, angat wen tey ken bong nmò Dwata du yóm Dwata laen dù là gbeken du. Nmoen bè yó kem kun tau bè klamangen benwu yóm ken alì tilob ne yóm ninum alì mnóm.

Kem Lingón 119:46

Là kóe myak tmulón du bè yó kem tau hol geta yó kem hlauhem.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kehewà 6:11

“Lemwóti ne tulónem ke Faro hol hewóten lu bè kun benwu yó kem tau Israél.”

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Kehewà 8:1

Omin Dwata bud mon du mò ke Musis, “Budi mógów dou ebè Faro ne monem mò du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 8:20

Yó bud mon Dwata mò ke Musis, “Holi hlafus haya anì nam e senlong Faro bè yóm kógówen ebè él. Tulónem du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 33:13

Ke hyu se nawam ebéléu tulónem dou sen yóm atulem anì hol temnù yóm ketngónu kóm ne henlósu mò du yóm gónón hyu nawam ebéléu. Béem klifót snéen, deng nélékem ni kem tau ni mò hol kóm.”

Kehewà 7:2

Tulónem ke Aron yóm kdê monu mò kóm anì du fen tmulón du bè Faro. Yó hol tulónen ke Faro, ‘Hol hewaem lu ne bè kóm benwu yó kem tau Israél.’

Kehewà 8:16

Omin Dwata bud mon du mò ke Musis, “Tulónem ke Aron fesen bè tonok tugeden anì tódô baling lifet yóm kfung bè klamangen Idyip.”

Kehewà 8:17

Tahu se, fes Aron bè tonok tugeden ne yóm kfung bè Idyip tódô gotu baling lifet. Gotu le mdef bè yó kem tau ne bè yó kem ógóf.

Kehewà 8:27

Là gbek me mò du ke là tlu kdaw me du mógów elem yóm benwu laen hol wen tauhen anì ne me e demsù bè yó bè yóm sana kum Dwata hol gónó mogot, lómón yóm deng monen mò kum.”

Kehewà 9:1

Yó bud mon Dwata mò ke Musis, “Budi mógów ebè Faro tulónem du, monem, ‘Yó udél yóm sana Dwata yó kem tau Hibru yóm hol gónó mogot, hol hewótem lu ne yó kem dou tau anì na le e tmaba ebéléu.

Kehewà 9:2

Ke bud nalihem lu

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kehewà 10:4

Ke là bud hewótem kul, haya wen kem tlangas hwitu elem nim benwuhem.