Kehewà 40:9 - Udél Dwata: Gna Kesfasad ne Lomi Kesfasad

⁹ Ominen yó, tenwélem hnolo yóm Gónô hdà ye yó, yóm hnolo gel nmò ye béléu, homongem kdê yó kem nô lemen anì hol hetfing ye ebéléu.

Kehewà 40:9 Referans Kwoze

1 Jan 2:20

Bong kuy du, deng sù Krays bélê ye ne yóm Tulus Dwata. Yó se gónó ye hulung temnef du yóm ktahuhen.

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.

2 Kurin 1:4

Nô kihu gónó tekuy glayam, tey gel któbóngen tekuy anì yó, hulung tekuy tmóbóng yó kem dumu tekuy hulin kdaw ke wen gónó le glayam se kul. Lómón yóm tehe któbóng Dwata tekuy, bud lómón yó se khulung tekuy tmóbóng yó kem dumu tekuy.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Matyu 3:16

Timbow hahun gu lem él Jisas, tódô henmungen hnas bè longit, ne tódô tonen se yóm Tulus Dwata htuntun etahen gu bè longit, hol lómó kmoen obun, ne tódô mdef béléen.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 11:2

Yóm tau monu yó, angat tey kbeyenen béléen yóm Tulus Dwata. Yó se gónón lemwót yóm khulungen hedem ne yóm khulungen mit yó kem tau nogoten. Angat tngónen yóm kun kóyô Dwata ne angat wen klikoen mulé du.

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

Hibru 9:21

Omin Musis bud lemakit hetsik du ebè yóm gónô Dwata. Kólen bè yó kem kimu wen mu le du bè yóm gel kehloni le ebè Dwata, gotu hentsiken litô snéen.

Kehewà 40:8

Lenabatem hmilol lósól yóm Gónóu yó ne tnéwéngem nes bè bak tikeben mò sengen.