Kehewà 40:7 - Udél Dwata: Gna Kesfasad ne Lomi Kesfasad

⁷ Ne yóm len-gana gónó le gel molob, suem bè gónón sóól yóm Gónô hdà ye ne yóm gónô demsù ne nlemem él.

Kehewà 40:7 Referans Kwoze

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Taytus 3:5

Là kô bè kehyu kmò du gónón lemwà kut, okóm tódô lemwót bè yóm kkoduhen kut, hlanen bè yóm Tulus Dwata. Lómón ke denyohen tu yóm Tulusen. Yóm kedyohen kut yó, yó se yóm kehbalingen kut ngà Dwata, ne blayen kut yóm lomi klowil.

Sikaraya 13:1

Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.

Kem Lingón 26:6

Nolobu tdoku mò gónów hegfan yóm klaen dù salau. Mógówe lemibut yóm gónó me gel demsù ebéléem, Dwata,

Kehewà 40:6

Suem bè lósól bè solu yóm Gónô hdà ye yó yóm gónô demsù gónó ye gel hkekeb yó kem ógóf dsù ye ebéléu.

Kehewà 40:8

Lenabatem hmilol lósól yóm Gónóu yó ne tnéwéngem nes bè bak tikeben mò sengen.