Kehewà 40:26 - Udél Dwata: Gna Kesfasad ne Lomi Kesfasad

²⁶ Ne yóm lemisa lenafin tahu blówón gónó le gel mtem yóm insinsu gel hboo le ebè Dwata, suen sendini yóm nes tléwéng seng yóm Slungan Fasad, bede moni e du.

Kehewà 40:26 Referans Kwoze

Kehewà 40:5

Suem bè solu yóm Slungan Fasad sendini yóm nes téwéng yóm lemisa lenafin tahu blówón gónó le gel mtem yóm hboo alì tilob boohen boluyen insinsu. Ne tnéwéngem nes bè bak dól yóm Gónóu mò sengen.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

Hibru 10:1

Yóm kdê tehe hlolò Dwata yó kem tau Ju ekni, sundu kô yó du he yóm tahu duhen, olo kem hningón yó kem hyu nmò Krays yóm yó. Bè yóm gnan, tendo sensulit le demsù ebè Dwata ket halay. Lemwót bè yóm kessulit le du yó, tódô dilô tekuy là kô le baling gulit yó kem tau tô hloni ebè Dwata ke mlan bè yóm gel dsù le.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Kun Snulat Jan 11:42

Tngónu sónmoem tendo gel hmungol dou. Yó gónóhu mon du nim ni, wen ni kem tau nô bè ni anì hentahu le yóm deng khógówem do.”

Matyu 23:19

Tey ye butô. Ilóem kmon ye ke bong muhen yóm dsù ye ebè Dwata senta yóm gónó ye gel demsù du. Là kô yó du. Yó gónón baling mólós yóm dsù, abay se deng nô bè yóm gónó le demsù du ebè Dwata.