Kehewà 40:23 - Udél Dwata: Gna Kesfasad ne Lomi Kesfasad

²³ Ne suen tahen yóm mambang deng blay le ke Dwata, hol lómón yóm deng hlolò Dwata du.

Kehewà 40:23 Referans Kwoze

Kehewà 40:4

Hemsui lemisa bè yóm dfél sendini yóm nes téwéng yó, suem tahen yó kem ngom wen mu ye du bè yó. Bud hdaem bè yóm dfél yó sfatà yóm lemisa yóm gónóhen gel nô yó kem solok ne ominem hemtom kul.

Hibru 9:2

Yóm gónô hdà le yó, Gónô Dwata gel nit le mógów. Wen lewu dfélen. Yóm tanay dfélen, boluy le du Dfél hetfing ebè Dwata. Wen soloken, ne wen lemisahen mò gónó le gel hmasà yóm mambang mò blay le ebè Dwata.

Matyu 12:4

Tódô husek bè Gónô Dwata Dabid, ne nwahen yóm mambang deng blay le ebè Dwata, ne ominen mken du dalang se yó kem kun tau. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata gel mken du. Ewenem, là kô duón Dwata du kul yóm kken le du.

Kehewà 40:24

Suen lem yóm Gónô Dwata snéen yóm gónó le gel hemsù solok bè sfatà yóm lemisa fi legeden.

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.