Kehewà 40:18 - Udél Dwata: Gna Kesfasad ne Lomi Kesfasad

¹⁸ Hdà Musis yóm gónóhen mteg heheken ne hendaen hehek. Nmoen hiholen ne hlekelen.

Kehewà 40:18 Referans Kwoze

Deng Hegfan 21:3

Ne tódô gungolu se yóm mudél lemwót bè yóm bangkù gónón myón yóm fen kmamal, hgelen udélen, monen, “Ngem yóm kun gónó nô Dwata, deng eles nô lem blóng kem tau ne. Angat tódô hlós nô bélê le, ne lu se baling kem kun tau. Là kóen na a bud skó bélê le ne, yakà du se kul Dwata.

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Isaya 33:24

Laen kô dù tau bud gemnóm des bè benwu tekuy ne gotu hnifót Dwata yóm kdê salà tekuy. Là gomongen bè nili yóm tsaptér 34. Yó tulónen yóm kmò ktafak Dwata yó kem but tau talak tonok bè yóm gotu keglaen kul. Bè yóm ktafaken kul yó, tódô kmanas yóm longit ne gotu btang yó kem blotik. Bud tulónen yóm alì ksidek kegbà Dwata yóm benwu Idom ne keglaen yó kem tau bè yó lemwót bè yó kem sidek deng nmò le bè yó kem kun tau Israél. Laen kô dù tau bud menwu bè Idom. Yó kmò Dwata du yóm benwu yó mò gónó le nô yó kem ógóf lem bnes ne yó kem onuk bnes kól bè laen dù tul sónen.

Kehewà 40:2

“Ke sok sut yóm lomi halay, bè yóm tanay kdaw bè yóm tanay bulón, hdà ye yóm Gónô mò gónóhu nô lem blóng ye.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kehewà 40:17

Duhen yó, bè yóm tanay kdaw bè yóm tanay bulón bè gewuhen halay kogol yóm kehewà le gu bè Idyip, hdà le yóm Gónô Dwata gel nit le mógów.

Kehewà 40:19

Wen se newel nbólen tahen mò bengen ne ketefen, bud suen ta yóm nes yó yóm kulit ógóf deng tenbé le mò lafinen, hol lómón yóm deng hlolò Dwata du.

2 Samwél 7:6

Nbuten bè yóm kdaw tehe kehewau yó kem tau Israél gu bè Idyip efet nim kmoen ni, là kóe nô bè gónô se do, són bè yóm gónô nmò le gu bè kulit ógóf gel nwit le mógów gónóhu gel nô.