Kehewà 40:16 - Udél Dwata: Gna Kesfasad ne Lomi Kesfasad

¹⁶ Tahu se, gotu nmò Musis yóm kdê deng hlolò Dwata du.

Kehewà 40:16 Referans Kwoze

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

1 Kurin 4:2

Tek sotu hnebel Dwata bè yóm tau tóbóng lówóhen, tek són yóm kguliten.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.

Hibru 3:2

Tey kteneb Jisas bè yóm tehe hmò Dwata du. Hol lómón yóm tehe kteneb Musis bè yóm tehe kwiten yó kem kun tau Dwata. Yóm kwiten kul yó, hol lómón ke mò nmò lem gónô Dwata.

Hibru 3:5

Bong ke Musis kun, du se sotu tau mò nmò bè gónô Dwata, ne tey teneb yóm kmoen nmò. Yó kem kun nmò yó, gotu hningónen yóm hol tahu duhen angat hegfan Dwata bè hulin kdaw.

Kehewà 40:15

Ominen yó, tenwélem hnolo ta kulu le lómón yóm ketwélem ke mà le anì baling le mò blóng tau ebéléu se kul. Nim ketwélem kul ni mò ilô yóm klaen dù sónen yóm keseblóng yó kem lugod le ebéléu.”

Tekang Kbuten 6:22

Tahu se, gotu nmò Nuwa yóm kdê deng hmò Dwata du.”

Kehewà 7:6

Tahu se, tódô nmò Musis ne Aron yóm deng hmò Dwata kul yó.

Lista 1:19

lómón yóm deng hlolò Dwata ke Musis. Bè yó bè yóm benwu laen hol wen tauhen boluyen Sinay gónó Musis mò du nim ni.

Lista 9:22

Baluen ke tek lewu kdawen duhen ke sbulón duhen ke sfalayen, là kô le tagad mili yó kem tau Israél ke tolo nô ta yóm Gónô Dwata yóm lobun yó. Okóm ke deng haway eta tódô le bud lemwót se kul.