Kehewà 40:14 - Udél Dwata: Gna Kesfasad ne Lomi Kesfasad

¹⁴ Ne nwitem yó kem ngaen, hesekem kul yóm nes deng nmò ye bélê le.

Kehewà 40:14 Referans Kwoze

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

Sulat Pol Ebè Yó Kem Tau Hemtahu Bè Rom 13:14

Yó dé nmò tekuy, hol dnalang tekuy yóm kun kmò yóm gónó tekuy mogot Jisas Krays. Ne bê tekuy abay tódô nmung yó kem sidek knóyô lówó tekuy.

Sulat Pol Ebè Yó Kem Tau Hemtahu Bè Rom 8:30

Duhen yó, yó kem tau deng hetfing Dwata, lu se yó kem tau tehe tnabahen ne gotu henbalingen lu tau tedeng ktonen kul, ne angat hmungen lu bè yóm tey kegetahen ditu bè longit hulin kdaw.

Kun Snulat Jan 1:16

Deng tekuy gotu gomong lemen ne yóm tey klinggel nawahen ebè tau. Yóm któbóngen tekuy, tódô seflós, là kóen skó.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Kehewà 40:13

Hesekem ke Aron yóm nes mò lesek yóm tau blóng ebéléu. Tenwélem hnolo ta kuluhen mò ilô yóm kéléku du mò blóng tau ebéléu.

Kehewà 40:15

Ominen yó, tenwélem hnolo ta kulu le lómón yóm ketwélem ke mà le anì baling le mò blóng tau ebéléu se kul. Nim ketwélem kul ni mò ilô yóm klaen dù sónen yóm keseblóng yó kem lugod le ebéléu.”