Kehewà 40:13 - Udél Dwata: Gna Kesfasad ne Lomi Kesfasad

¹³ Hesekem ke Aron yóm nes mò lesek yóm tau blóng ebéléu. Tenwélem hnolo ta kuluhen mò ilô yóm kéléku du mò blóng tau ebéléu.

Kehewà 40:13 Referans Kwoze

1 Jan 2:27

Okóm yó dum kuy, deng sù Krays bélê ye yóm kun Tulus. Anien he ke laen dù tau bud tmolok kuy syan ke senflósen nô bélê ye yóm kun Tulus. Abay se du fen tmolok kuy yóm kdéen, ne laen dù kéng boolen yóm gel toloken kuy, hono tahu. Yó gónóm mon, hol gel nimón ye sen yóm gel toloken kuy yóm Tulus Dwata, ne hol henlós ye yóm kessotu ye bè Krays.

1 Jan 2:20

Bong kuy du, deng sù Krays bélê ye ne yóm Tulus Dwata. Yó se gónó ye hulung temnef du yóm ktahuhen.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Hibru 10:10

Lemwót bè yóm deng kimón Jisas Krays du yóm kun kóyô Dwata, yó gónó tekuy mólós bè kton Dwata tekuy mlan bè yóm khamà Jisas klowilen bélê tekuy. Tek suléken mò du, ne laen dù bud seefen ne yóm nmoen yó.

Kun Snulat Jan 17:19

Hogotu kóm yóm do klowil mò lanu tmóbóng kul, anì hogot le kóm se yóm kul klowil.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Kehewà 40:14

Ne nwitem yó kem ngaen, hesekem kul yóm nes deng nmò ye bélê le.