Kehewà 4:7 - Udél Dwata: Gna Kesfasad ne Lomi Kesfasad

⁷ Omin Dwata bud mon du, “Bud hulékem elem kgalem henmuem.” Tahu se, bud nmò Musis. Timbow bud kóhen, lómón ke laen dù hemenen, tódô bud mulék bè yóm sana kun kmò.

Kehewà 4:7 Referans Kwoze

2 Bok Kem Tau Hol Geta 5:14

Tahu se, mógów ebè Él Jurdan Naaman, ne hitu duléken lemneb lówóhen ditu, lómón yóm deng hloloen du yóm tau Dwata, ne tódô gotu mimot mkó se yóm desen. Yóm kuliten, hol lómón ke kulit ngà.

Matyu 8:3

Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kun Snulat Luk 17:12

Yóm igoen tolo mógów ebè yóm sotu benwu udì bè yó, wen kem sfolò tau lemebet du, hono gemnóm yóm des mifù. Yó nmò le, mdà le mayuk,

Kehewà 4:8

Yó mon Dwata mò du, “Ke là hentahu le kóm, duhen ke là gmung le bè yóm tanay hentaw ton nmoem, bè nim sotu bud nmoem ni gónó le gmung.