Kehewà 4:4 - Udél Dwata: Gna Kesfasad ne Lomi Kesfasad

⁴ Omin Dwata bud mon du mò ke Musis, “Hlonihi e du ne nogotem bè ikongen.” Tahu se, hloni e du Musis ne kenfóen. Tódô bud baling tuged yóm ulal yó.

Kehewà 4:4 Referans Kwoze

Kun Snulat Jan 2:5

Omin Yê Jisas lemwót, stulón bè yó kem tau smagid ken, monen, “Kihu hmò Jisas kuy, tódô nimón ye.”

Kun Snulat Luk 10:19

Ngem, lemwót bè yóm kwalis deng blayu kuy,” monen, “là kô le bud lóbô bélê ye ne yó kem ulal, anien ke gdà ye lu, dalang se yó kem syufón. Ne balù sentenga se kun kgis yóm hohon tekuy Seitan, là kóen matù bélê ye.

Mark 16:18

Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Kem Lingón 91:13

Angat gotu ndaem lu elaan yó kem liyun ne yó kem ulal, balù nô klóbô yó kem liyun, ne balù nô kalas yó kem ulal.

Kehewà 4:3

Bud mon Dwata, “Botem ebè tonok kun.” Tahu se, bot Musis ne tódô baling ulal yóm tugeden, botong mlóy hlayuk Musis.

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

2 Bok Kem Tau Hol Geta 6:7

Yó mon Ilaysa mò du, “Géhél nwahem.” Tahu se, hgong yóm tau yó, nwahen yóm bak beyung.