Kehewà 4:31 - Udél Dwata: Gna Kesfasad ne Lomi Kesfasad

³¹ Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kehewà 4:31 Referans Kwoze

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Kun Snulat Luk 8:13

Yóm lusok botu gónón e gdek yó kem dumu bnék sohulen yó, duhen yó kem tau hmungol du yóm Udél Dwata, ne tey le hligal bè yóm kehtahu le du, okóm là kóen dmolil. Tek likót le hemtahu. Timbow wen tilów mgel sut bélê le, gkogol le ne yóm kehtahu le.

Kehewà 12:27

mon ye mò kul, ‘Ni se yóm kedsù tekuy ebè Dwata bè yóm Kdaw Khius mò gónó tekuy hegfan du yóm kadat tekuy du, abay se tehe niusen yó kem gónô yó kem tau Israél bè Idyip bè yóm khatayen yó kem ngà logi twogu yó kem tau Idyip, okóm fen hlowilen tekuy.’ ” Timbow gungol le yóm udél Musis yó, gotu le mtud bukol yó kem tau Israél, dóyón le Dwata.

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Kehewà 2:25

Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.

Tekang Kbuten 24:26

Tódô hegdufok ebè tonok yóm tóbóng lówó Abraham yó, dóyónen Dwata,

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

2 Tutul Israél 20:18

Omin Jihusafat mtud uyóhen bè tonok, ne dalang se yóm kdéen tau Juda ne tau bè Jirusalim, bud yó snéen kul nmò, ne dóyón le Dwata.

Tekang Kbuten 17:3

Tódô hegdufok ebè tonok Abram.

Tekang Kbuten 29:32

Mlutut Liya ne mngà logi. Yó monen, “Deng ton Dwata yóm gfau ne mlan bè nim ngau ni angat kenbong nawahen ou yóm tuha logihu.” Ne yó boluyen yóm ngaen sut yó, Rubén.

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

Kehewà 14:31

Timbow ton yó kem tau Israél yóm tey kfasang Dwata bè yóm deng kegmoen bè yó kem tau Idyip, tey klikò le du. Botong snalig le Dwata ne Musis yóm tau tóbóng lówóhen.

Kehewà 19:8

Omin le gotu malà du yó kem tau, mon le, “Gotu nmò me yóm deng mon Dwata yó, yóm sana kum Dwata hol gónó mogot.” Omin Musis bud mneged nan e hgefet bè Dwata yóm balà le yó.

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Kehewà 34:8

Tódô kendel mtud bukol bè tonok Musis nan e heglaan bè Dwata.

Rut 1:6

Timbow legen udì bè yó, gungol Numi yóm tey bud któbóng Dwata yó kem tauhen, yóm tey kehbunguhen yó kem hulu le. Yó gónón htifes mulék ebè yóm kun benwu, mung du yó kem lewu towuhen.

Nihimaya 8:6

Yó mon Isra mò kul, “Hol dóyón tekuy yóm sana kut Dwata hol gónó mogot yóm Dwata hol dandónen geta.” Tódô kdéen tau gotu hdà le eta sigel le, mon le, “Tahu se. Tahu se.” Omin le gotu mtud bukol bè tonok hegfan le yóm keheglaan le bè Dwata. Yóm uyó le, botong gefet bè tonok.

Sifanaya 2:7

Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”

Kehewà 33:10

Ke ton yó kem tau Israél yóm lobun nô bè bak dól yóm Gónô Dwata yó gotu le mtud bukol smolu e du.

2 Tutul Israél 7:3

Timbow ton yó kem tau Israél yóm ofi mkal lemwót gu bè longit yó, ne tódô tfengen lem yóm Gónô Dwata yóm tey keslinang Dwata, tódô le gotu lemfen bè tonok, tmaba le ebè Dwata, mung du yóm kdóyón le du, mon le, “Tey hyu yóm Dwata, yóm kun kbong nawa là kóen monol ne laen kô dù tul sónen.”

2 Tutul Israél 32:8

Tey wen kem sendaluen, okóm olo le tau. Nô bélê tekuy yóm sana kut Dwata hol gónó mogot mò tmóbóng tekuy ne du fen sfatay bélê tekuy.” Nim udél Hisikaya ni, tey ketgelen nawa yó kem tau.

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.