Kehewà 4:30 - Udél Dwata: Gna Kesfasad ne Lomi Kesfasad

³⁰ Gotu tulón Aron kul yóm kdê deng mon Dwata mò ke Musis. Omin Musis gotu mò du lem blóng le yó kem hentaw ton nmoen.

Kehewà 4:30 Referans Kwoze

Kehewà 4:16

Du mò angat gel htugodem bè yó kem tau Israél. Lómón ke uu Dwata, angat gel htugodem du yóm nóyô monem.

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Kehewà 4:15

Gbekem fen htugod du yóm nóyô monem. Tendo tnóbóngu yu lewu ye bè yóm kudél ye ne tulónu kuy yóm bang nmò ye.

Kehewà 19:7

Tikóng deng kudél Dwata ebè Musis, omin Musis mosol ne htabahen yó kem tuha gel malak ne tulónen kul yóm kdê deng hlolò Dwata du.