Kehewà 4:23 - Udél Dwata: Gna Kesfasad ne Lomi Kesfasad

²³ Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kehewà 4:23 Referans Kwoze

Kehewà 12:29

Hol sóól buteng se gotu hnatay Dwata yóm kdéen ngà logi twogu yó kem tau Idyip, lenwóten bè ngà Faro, yóm ngaen bud tô temles du, kkólen bè ngà yóm tau knukub le ditu bè gónón kmifu. Dalang se yóm kdéen tanay sut bè yó kem ógóf le gotu matay.

Kehewà 11:5

ne ket ngà logi twogu bè yó kem tau Idyip, gotu le matay lenwóten bè yóm hol kóm ngà, yóm ngà angat bud tô temles kóm kkólen bè ngà yóm libun hesek gel mdek halay. Dalang se yóm kdéen ógóf tanay sut, gotu le matay.

Kem Lingón 135:8

Ditu bè Idyip, gotu hnatayen yó kem ngà logi twogu bè ket gónô yó kem tau Idyip, homong hnatayen se yó kem ngà yó kem ógóf le tanay sut.

Kem Lingón 105:36

Ngangen efet hfatay Dwata yóm ngà logi twogu bè ket kmuleng bè yó kem tau Idyip. Yóm ngà le bè tolo tukô nawa le.

Kem Lingón 78:51

Gotu hfatayen yó kem ngà le logi twogu yó kem tau Idyip, kem ngà alì mebtes bélê le, hfatayen lu bè klamangen benwu Idyip.

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Kehewà 5:1

Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”

Kehewà 6:11

“Lemwóti ne tulónem ke Faro hol hewóten lu bè kun benwu yó kem tau Israél.”

Kehewà 8:1

Omin Dwata bud mon du mò ke Musis, “Budi mógów dou ebè Faro ne monem mò du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 8:20

Yó bud mon Dwata mò ke Musis, “Holi hlafus haya anì nam e senlong Faro bè yóm kógówen ebè él. Tulónem du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 9:1

Yó bud mon Dwata mò ke Musis, “Budi mógów ebè Faro tulónem du, monem, ‘Yó udél yóm sana Dwata yó kem tau Hibru yóm hol gónó mogot, hol hewótem lu ne yó kem dou tau anì na le e tmaba ebéléu.

Kehewà 9:13

Yó bud mon Dwata mò ke Musis, “Hol hlafus haya budi mógów ebè Faro, bud tulónem du, monem, ‘Yó udél yóm sana kul Dwata yó kem tau Hibru yóm hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kehewà 18:8

Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.

Kem Lingón 136:10

Hol dóyón tekuy Dwata, gotu hnatayen yó kem ngà logi twogu bè yó kem tau Idyip. Laen kô dù tul sónen yóm kbong nawahen tekuy là monolen.

Husiya 11:1

Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Kehewà 8:16

Omin Dwata bud mon du mò ke Musis, “Tulónem ke Aron fesen bè tonok tugeden anì tódô baling lifet yóm kfung bè klamangen Idyip.”

Kehewà 8:17

Tahu se, fes Aron bè tonok tugeden ne yóm kfung bè Idyip tódô gotu baling lifet. Gotu le mdef bè yó kem tau ne bè yó kem ógóf.

Kehewà 9:2

Ke bud nalihem lu

Kehewà 10:4

Ke là bud hewótem kul, haya wen kem tlangas hwitu elem nim benwuhem.