Kehewà 4:22 - Udél Dwata: Gna Kesfasad ne Lomi Kesfasad

²² Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Kehewà 4:22 Referans Kwoze

Husiya 11:1

Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

Matyu 2:15

Ngang le nô bè yó efet matay Hirod. Ni se deng kdohoen yóm tehe mon Dwata bè Sulaten, hlanen bè yóm sotu tehe gna tugoden ekni, yóm monen, “Tnabahu yóm Ngau anì mulék gu bè Idyip.”

Kehewà 6:11

“Lemwóti ne tulónem ke Faro hol hewóten lu bè kun benwu yó kem tau Israél.”

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Kem Lingón 89:27

Ne yó angat nmou bè Dabid, angat blayu du yóm kun kwalis yóm ngà logi twogu. Nmou hol geta bè yóm kdéen tau hol geta talak tonok.

Dwata 32:6

Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.

Jirimaya 2:14

“Yó kem tau Israél là kô le hesek se kul. Là kô le hesek mbut bè yóm tehe ksut le. Moen se ke deng mom negef le lu yó kem hohon le?

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”