Kehewà 4:19 - Udél Dwata: Gna Kesfasad ne Lomi Kesfasad

¹⁹ Gu laan Musis là deng lemwót bè yó bè Midyan, yó mon Dwata mò du, “Béi abay hlikò mulék ebè Idyip. Yó kem tau tehe tô móló hmatay kóm, deng le matay.”

Kehewà 4:19 Referans Kwoze

Matyu 2:20

“Ó Jusif, btiki ne, nwitem mulék yóm ngà lewu le yéen ebè yóm kuy benwu bè Israél. Deng le gotu matay ne yó kem tau tehe tô hmatay du yóm ngà.”

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Kehewà 2:15

Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô. Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le.