Kehewà 4:18 - Udél Dwata: Gna Kesfasad ne Lomi Kesfasad

¹⁸ Omin Musis mulék ebè Jitru, yóm tuónen ne monen mò du, “Ke yóm hyu béléem, Mà, nam hógów ou ebè yó kem dou dumu tau Israél bè Idyip anì naw e hnénég ke sana tolo klowil le.” Tahu se, hlus tuónen ne monen mò du, “Dwata he mung kóm.”

Kehewà 4:18 Referans Kwoze

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

1 Timuti 6:1

Yó kem tau klifen, yake hol nadat le yó kem tau mfun kul anì laen dù tau hemnê ke Dwata, ne là hennê le du snéen yóm ktolok te.

Kul Nmò 16:36

Tahu se. Mon yóm tau mentey blanggù mò ke Pol, monen, “Wen udél hwit yó kem tau mogot kukum anì hewau yu kun. Yó ne, yake hewà ye ne. Dwata he hol henek nawa ye.”

Kul Nmò 15:36

Sotu kdaw bè yó, mon Pol mò ke Barnabas, “Yake na te bud nauy lu yó kem dumu te setwoli bè ket benwu tehe gónó te tmolok yóm udél Dwata anì na te bud tenngel lu ke tedu mò kmoen yóm kehtahu le.”

Kun Snulat Luk 7:50

Ne bud mon Jisas ebè yóm libun yó, monen, “Yóm kehtahuhem béléu, yó se lemwà kóm lem salaem. Muléki ne, Dwata he henek nawahem.”

1 Samwél 1:17

Ne yó mon Ili mò du, “Yó ne, lemwóti. Dwata he hol henek nawam. Yó hem Dwata yó kem tau Israél malà du yóm deng hnihem.”

Tekang Kbuten 45:3

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

Kehewà 2:21

Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura.

2 Bok Kem Tau Hol Geta 5:19

Yó mon Ilaysa, “Dwata he henek nawam.” Omin Naaman lemwót. Là dengen hol mayuk he lan Naaman,

2 Bok Kem Tau Hol Geta 5:10

Timbow ton Ilaysa Naaman, ominen mdók yóm sotu tau tóbóng lówóhen anì tulónen ke Naaman, monen, “Holi mógów etu bè Él Jurdan nam e dyo ditu hitu dulék anì mkó yóm des mifuem, ne angat bud hyu kulitem.”