Kehewà 4:17 - Udél Dwata: Gna Kesfasad ne Lomi Kesfasad

¹⁷ Lemwóti ne nwitem yóm tugedem yó, yakà bè yó du gónóm gel hlan du yó kem hentaw ton angat nmoem.”

Kehewà 4:17 Referans Kwoze

Kehewà 4:2

Ne yó balà Dwata du, monen, “Tedu se yóm nogotem yóó?” Mon Musis se, “Tugedu.”

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.

Kehewà 4:20

Tahu se, nwit Musis yehenen ne yó kem ngaen logi, hsakayen lu kudà asnu, mógów le ebè Idyip. Nwiten yóm tuged hwit Dwata du.

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Kehewà 17:9

Mon Musis mò ke Juswa, “Méléki tau mò dumuhem mit sfatay bè yó kem tau Amélék ke haya. Ne lemwót dou, mdae te bulul nogotu yóm tuged hwit Dwata dou.”

Lista 20:8

“Nwahem yóm tuged nô bè solu yóm Slungan Fasad ne gotu sentifun ye yóm kdéen tau lewu ye Aron. Bè yó bè solu le, tódói mudél ebè yóm botu nô bè yó ne angat wen él tódô semfut gu lemen. Bè nim nmoem ni, wen tey él gu lem yóm botu mò ninum yó kem tau ne yó kem ógóf le.”

2 Bok Kem Tau Hol Geta 4:29

Omin Ilaysa mon du mò ke Gihasi, “Hesloi etu, nwitem tugedu. Ke wen tau geslongem, béi mudél ebéléen, ne béem abay kenmón se ke wen tau kemlô kóm bè lan. Tódói hlós etu bè gónóen, hlasaem ta yóm ngà yóm tugedu.”