Kehewà 4:16 - Udél Dwata: Gna Kesfasad ne Lomi Kesfasad

¹⁶ Du mò angat gel htugodem bè yó kem tau Israél. Lómón ke uu Dwata, angat gel htugodem du yóm nóyô monem.

Kehewà 4:16 Referans Kwoze

Kehewà 18:19

Ke hyu béléem, wen tô hlauhu kóm ne Dwata he tendo nô béléem. Tey hyu ke uu mò dung lówó yó kem tau ebè Dwata ne ke uu tmulón du ke Dwata yó kem gónó le seglius.

Kem Lingón 82:6

Yó tehe monu mò kul yó kem tau kmukum yó, ‘Lómón ke dwata ye, hono ye ngà yóm Dwata Hol Dandónen Geta.

Kehewà 4:12

Yó ne lemwóti, tendo tnóbóngu u he mudél ne tulónu kóm yóm angat monem.”

Kehewà 4:30

Gotu tulón Aron kul yóm kdê deng mon Dwata mò ke Musis. Omin Musis gotu mò du lem blóng le yó kem hentaw ton nmoen.

Jirimaya 36:32

Tahu se, bud wen klatas lenulun nwa Jirimaya ne hsulaten ke Baruk yóm tau fen gel smulat béléen yóm udél Dwata, bud tulónen du. Gotu bud snulat Baruk yóm udél Dwata deng nô bè yóm gna sulat lenulun ntem Jihuyakim ne wen he kem dumu udél Dwata bud hsulat Jirimaya mò tnuen.