Kehewà 4:14 - Udél Dwata: Gna Kesfasad ne Lomi Kesfasad

¹⁴ Bè nim udél Musis ni, botong lembut Dwata, monen, “Mò kmoen se yóm twoguhem Aron, kesfu Libay se kun? Tngónu hulung mudél se kun. Bè ktahuhen, móyón kól bè ni nan e senlong u ne angat tey kehligalen bè yóm kestonen kóm.

Kehewà 4:14 Referans Kwoze

1 Tutul Israél 21:7

Okóm ke Dwata kun, tey sidek kekbéen du yóm nmò le yó, yó gónón tmafak yó kem tau Israél.

Kehewà 4:27

Bè yóm tolo knô le bè lan yó, deng eles stulón ke Aron Dwata, monen mò du, “Senlongem Musis bè yóm benwu laen hol wen tauhen.” Tahu se, senlongen bè yóm bulul Dwata. Bè yóm ktonen du tey kligalen, botong neleken.

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

2 Kurin 2:13

Okóm là kóen menek nawahu du, abay se tafa nawahu ke Taytus, yóm sotu dumu tekuy setwoli, là tonu du bè yóm kdaw yó. Yó gónóm mon, olohu mbal kul yó kem tau bè yó, ominu hlós hmebel ke Taytus bè prubinsya Masdunya.

Kul Nmò 15:28

Bong bè yóm snólók ye bélê me, ni se deng kessotu kestulón me du mlan bè yóm Tulus Dwata. Hendem me là hyuhen ke alì dê hlolò me kuy. Olon ni dii mò lolò ye.

1 Bok Kem Tau Hol Geta 11:9

Ya tey kebut Dwata ke Selumun lemwót bè yóm deng kkogolen du yóm kul Dwata yó kem tau Israél, yóm Dwata deng hegfan béléen lewu dulék.

2 Samwél 6:7

Ya tey kebut Dwata ke Usa lanen mogot yóm Slungan, ne tódô hnatayen Usa bè yó klohok yóm Slunganen.

Kehewà 4:17

Lemwóti ne nwitem yóm tugedem yó, yakà bè yó du gónóm gel hlan du yó kem hentaw ton angat nmoem.”

Kehewà 4:13

Okóm yó balà Musis du, monen, “Bê, Dwata. Ke hyu béléem, tódô dumu tau dé hógówem.”

Juswa 24:5

Timbow le deng legen bè yó, hógówu ebélê le Musis lewu le Aron mò mit kul hewà bè yóm benwu gónó le ghesek yó. Yó kmou du, wen tey hlayam hwitu ebè yó kem tau Idyip.

1 Samwél 2:27

Sotu kdaw, wen tau Dwata sut bè Ili ne tulónen du yóm udél Dwata ebéléen, monen, “Bè yóm tehe keghesek yóm fuem Aron bè yóm tau hol geta bè Idyip, dalang se yó kem fes lówóhen, tehehe hegfan bélê le.

1 Samwél 12:8

Yóm tehe kógów le Jakub ne yó kem fes lówóhen ebè Idyip ekni, tey kehsidek le kul yó kem tau Idyip ne yó gónó le alì hkodu mni tóbóng bè Dwata ne yó gónó Dwata tehe hógów ke Musis lewu le Aron mò lemwà kul gu bè Idyip ne suen lu ta nim tonok ni.

Kem Lingón 105:26

Okóm hógów Dwata Musis ebè Idyip yóm tau tóbóng lówóhen, mò lemwà yó kem tauhen bè yó. Hmungen du Aron yóm sotu tau deng néléken.

Lista 12:2

Yó mon le, “Ilóem són ebè Musis kô gónó Dwata gel hlan du ke wen udélen? Igoen sem deng hlan du bélê me du?” Gotu gungol Dwata se yóm mon le yó.