Kehewà 4:12 - Udél Dwata: Gna Kesfasad ne Lomi Kesfasad

¹² Yó ne lemwóti, tendo tnóbóngu u he mudél ne tulónu kóm yóm angat monem.”

Kehewà 4:12 Referans Kwoze

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.

Mark 13:11

Ke angat kenfô le yu, ne nit le yu ebè yóm gónô skukum, bê ye abay tnafa nawa yóm kmò kbalà ye kul. Dwata he bemlay kuy yóm kmò angat kbalà ye kul sok sut yóm kdaw yó. Abay se là kô kuy udél du yóm angat mon ye, udél tódô suen bélê ye yóm Tulus Dwata.

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

Kun Snulat Jan 14:26

Angat hógów Mà ebélê ye yóm kun Tulus mò tlesu. Du se mò angat tmóbóng kuy. Gotu toloken kuy kdéen, ne angat hegbelen bè nawa ye yóm deng gel tulónu kuy.

Kun Snulat Luk 11:1

Sotu kdaw bè yó, mni bè Dwata Jisas bè yóm sotu gónóhen nô. Kogol yóm knihen yó, wen sotu bè yó kem gel lemolò du mon du mò du, “Ó Sér, tolokem mi dé mni bè Dwata lómón yóm tehe gel ktolok Jan yó kem gel lemolò du.”

Isaya 49:2

Tey kehegseben udélu, lómón kegseb yóm sudeng telem. Kun sigel tendo kemlung dou. Lómó kmoen dou lómón ke ou yóm hanak telem deng hentifesen mò gtien.

Kem Lingón 143:10

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.

Kem Lingón 32:9

Béi hungel mkél bè kudà, song mimón benklil ke wen kakangen.”

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 4:13

Okóm yó balà Musis du, monen, “Bê, Dwata. Ke hyu béléem, tódô dumu tau dé hógówem.”

Kehewà 4:15

Gbekem fen htugod du yóm nóyô monem. Tendo tnóbóngu yu lewu ye bè yóm kudél ye ne tulónu kuy yóm bang nmò ye.

Kehewà 4:16

Du mò angat gel htugodem bè yó kem tau Israél. Lómón ke uu Dwata, angat gel htugodem du yóm nóyô monem.

Lista 16:28

Yó mon Musis mò yó kem tau, “Ni wen mò gónó ye temngón du yóm deng kdók Dwata do mò fen mò du yóm kun kóyô lem blóng ye ne là kóen lemwót bè yóm dou kóyô.

Dwata 18:18

Angat wen tau mò tugodu hwitu elem blóng le lemwót bè kul kwen ne yóm kun nmò hol skél bè yóm kóm nmò. Angat tulónu yóm tugodu yó yóm mò angat monen ne angat gotu tulónen yó kem tau Israél yó kem dou hlau kul.

Kem Lingón 105:26

Okóm hógów Dwata Musis ebè Idyip yóm tau tóbóng lówóhen, mò lemwà yó kem tauhen bè yó. Hmungen du Aron yóm sotu tau deng néléken.