Kehewà 36:7 - Udél Dwata: Gna Kesfasad ne Lomi Kesfasad

⁷ Yó kem ngom gna nwit le botong glukas bè kehdeng le du yóm Gónô Dwata nmò le. Là gomongen bè nili tsaptér 36:8 efet kól bè 39:43. Yó tulónen yóm kmò le yóm Gónô Dwata ne yó kem kay ngom nô lemen. Bud tulónen yóm kmò le du yóm nes yóm tau mò blóng le ebè Dwata.

Kehewà 36:7 Referans Kwoze

2 Tutul Israél 31:10

Ne yó balà Asaraya du yóm tau hol geta bè yó kem tau gel blóng ebè Dwata, lemwót bè fes lówó Sadok, monen, “Lenwóten bè yóm kbut keblay le du bè Gónô Dwata yóm basa le ke Dwata yó kem tau, tey wen ken me, ne tey wen se lukasen, abay se tey któbóng Dwata kul yó kem kun tau.”

Kehewà 36:6

Yó gónó Musis hemwit tulón ebè klamang kamfù le anì laen dù tau bud bemlay ngom bè kehdà le du yóm Gónô Dwata nmò le. Tahu se, laen dù tau bud mit ebè yó.

1 Bok Kem Tau Hol Geta 8:64

Bè yóm kdaw yó, bud hfun Selumun ebè Dwata snéen yóm lósól nô bè solu yóm Gónô Dwata. Ominen demsù bè yó yóm ógóf gel hkekeb le, ne wen kem halayen mò blay le ebè Dwata, dalang se yóm abù yóm ógóf gel dsù le mò mit sefyu bè Dwata. Yó gónón hmò du bè yó nim ni, abay se yóm gónó gel demsù tembaga gel nô bè solu Dwata, là kóyówen ke alì wen yóm dsù le.