Kehewà 36:4 - Udél Dwata: Gna Kesfasad ne Lomi Kesfasad

⁴ Lemwót yó kem tau wen kenhulung le mò nmò yó, mógów le ebè Musis

Kehewà 36:4 Referans Kwoze

1 Kurin 3:10

Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

Kun Snulat Luk 12:42

Ne bnalà Jisas se, monen, “Yóm tau gulit kmoen nmò bè yóm gónóhen mogot, ne hulung hedem, yó se yóm tau tódô gotu hogoten du yóm gónóhen mogot yóm gónóen ne yó kem dumu tau mò nmò béléen mò fen semgifà kul.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

2 Tutul Israél 24:13

Duhen yó, tey kmò le nmò yó kem tau gónón gsigang yóm ketlob yóm Gónô Dwata, ne yó gónón hlós wen gendeng le bè yóm kmò le nmò yó. Yóm ketlob le du yó, tódô ulit le bè yóm sana kun kmò bè kbuten, ne tey kehbegel le du.

Kehewà 36:3

Ne gotu blay Musis kul yóm kdê deng blay yó kem tau Israél mò ngom yóm Gónô Dwata nmò le yó. Bede yó kem tau Israél, tódô ket hlafus le seflós mit du ebè Musis yó kem gel blay le mò ngom yóm Gónô Dwata.

Kehewà 36:5

ne mon le mò du, “Tey deng glukas bè yóm hmò Dwata kum yóm deng nwit yó kem tau.”