Kehewà 36:3 - Udél Dwata: Gna Kesfasad ne Lomi Kesfasad

³ Ne gotu blay Musis kul yóm kdê deng blay yó kem tau Israél mò ngom yóm Gónô Dwata nmò le yó. Bede yó kem tau Israél, tódô ket hlafus le seflós mit du ebè Musis yó kem gel blay le mò ngom yóm Gónô Dwata.

Kehewà 36:3 Referans Kwoze

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Kem Udél Hlalak Tehe Selumun 8:15

Lemwót béléu yóm khulung le mogot benwu yó kem tau hol geta. Lemwót béléu se yóm khulung le mò yó kem udin tedeng yó kem smugung bélê le.

Kem Lingón 101:8

Tódô ketu kdaw smidok mebel kul yó kem tau mò sidek, ne lohu lu mayuk gu bè yóm syudad Dwata.

Kem Lingón 5:3

Hnungolem, Dwata, yóm knihu béléem ke hlafus. Ket hlafusu tendo tmulón du kóm yóm hnihu, tódô eles tngónu yóm angat kbalaem dou.

Kehewà 36:2

Yó nmò Musis, tnabahen le Bisalil ne Uhuliyab ne kdê yó kem dumu tau deng wen kenhulung blay Dwata kul, kem tau wen óyô le hol tmóbóng ne yó monen mò kul, “Nbut ye ne mò du yóm Gónô Dwata gel nit kuy mógów.”

Kehewà 36:4

Lemwót yó kem tau wen kenhulung le mò nmò yó, mógów le ebè Musis

Amus 4:5

Nwit ye etu yóm mambang wen bulung henoken mò gónó ye dmóyón dou. Omin ye bud mit yóm basa tódô lemwót bè nawa ye mò gónó ye smalù knô ye. Tey, kem tau Israél, ni se yóm tendo nóyô nmò ye,” udél yóm Dwata hol dandónen geta.