Kehewà 36:2 - Udél Dwata: Gna Kesfasad ne Lomi Kesfasad

² Yó nmò Musis, tnabahen le Bisalil ne Uhuliyab ne kdê yó kem dumu tau deng wen kenhulung blay Dwata kul, kem tau wen óyô le hol tmóbóng ne yó monen mò kul, “Nbut ye ne mò du yóm Gónô Dwata gel nit kuy mógów.”

Kehewà 36:2 Referans Kwoze

Hibru 5:4

Yóm tau mò du nim nmò ni, tey bong kadat le du. Là kô wen tau tódô lembù mò du nim nmò ni. Sal gel nélék Dwata yóm tau fen mò du, lómón yóm tehe kéléken ke Aron ekni, yóm hol tanay tau mò blóng le ebéléen.

Kulasi 4:17

Ne tulón ye do ke Arkipus, mon ye mò du, “Hol hendengem yóm deng sigangen tahem yóm gónó tekuy mogot.”

Kehewà 31:6

Deng bud néléku Uhuliyab snéen mò dumuhen mò nmò yóm ngà Ahisamak tau lemwót bè ból Dan. Ne benlayu khulung snéen yó kem dumu tau wen kenhulung le anì gbek le mò du yóm kdê hmou kul.

Kul Nmò 14:23

Tódô ket yó kem benwu gónó le tehe tmolok, sal gel wen kem tau tuha nélék le mò fen malak yó kem tau hemtahu bè yó. Sok deng gel kélék le kul, glok le fasting, ne mni le bélê le bè Dwata, ne hogot le lu bè Jisas, yóm gónó le mogot deng snalig le.

1 Tutul Israél 29:5

ne mò nmò le yó kem dumu wen mu le du yó kem tau wen kenhulung tdok le. Duhen ni, tau du de bud móyô bemlay ebè Dwata kemdaw ni?”

Kehewà 36:1

Duhen yó, deng wen kenhulung ne ketngón blay Dwata kul le Bisalil ne Uhuliyab ne yó kem dumu tau anì hulung le mò du yóm kdê wen muhen bè yóm kmò le du yóm Gónô Dwata gel nit le mógów. Bè yóm kmò le du yóm kdéen, tódô ulit le bè yóm deng hlolò Dwata kul.

Kehewà 36:3

Ne gotu blay Musis kul yóm kdê deng blay yó kem tau Israél mò ngom yóm Gónô Dwata nmò le yó. Bede yó kem tau Israél, tódô ket hlafus le seflós mit du ebè Musis yó kem gel blay le mò ngom yóm Gónô Dwata.

1 Tutul Israél 28:21

Wen yó kem bung kem tau blóng ebè Dwata ne kem sfu Libay angat mò du yóm kdê nmò bè Gónô Dwata. Ne wen se kem dumu tau tey dê kay kenhulung le móyô le mò du nô kihu hmoem kul. Yó kem tau wen glalen ne yó kem dumu tau bè klamang nim benwu ni, eles nangat le yóm hmoem kul.”