Kehewà 36:1 - Udél Dwata: Gna Kesfasad ne Lomi Kesfasad

¹ Duhen yó, deng wen kenhulung ne ketngón blay Dwata kul le Bisalil ne Uhuliyab ne yó kem dumu tau anì hulung le mò du yóm kdê wen muhen bè yóm kmò le du yóm Gónô Dwata gel nit le mógów. Bè yóm kmò le du yóm kdéen, tódô ulit le bè yóm deng hlolò Dwata kul.

Kehewà 36:1 Referans Kwoze

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Hibru 8:2

Bè yó bè yóm dfél hol gónóhen nô Dwata gónóhen mò du yóm keseblóngen tau ebè Dwata. Yóm gónóhen nô yó, sundu gónô nmò tdok tau du, okóm hol kun gónô nmò yóm gónó tekuy mogot.

Kem Lingón 119:6

Ke gotu nimónu yóm kdê hlauhem kum, laen kô dù gónów myak.

Kehewà 36:2

Yó nmò Musis, tnabahen le Bisalil ne Uhuliyab ne kdê yó kem dumu tau deng wen kenhulung blay Dwata kul, kem tau wen óyô le hol tmóbóng ne yó monen mò kul, “Nbut ye ne mò du yóm Gónô Dwata gel nit kuy mógów.”

1 Tutul Israél 28:21

Wen yó kem bung kem tau blóng ebè Dwata ne kem sfu Libay angat mò du yóm kdê nmò bè Gónô Dwata. Ne wen se kem dumu tau tey dê kay kenhulung le móyô le mò du nô kihu hmoem kul. Yó kem tau wen glalen ne yó kem dumu tau bè klamang nim benwu ni, eles nangat le yóm hmoem kul.”

Kehewà 12:28

Omin le lemwót ne gotu nmò le yóm deng hlolò Dwata kul le Musis ne Aron.

Kehewà 31:11

Kkólen bè yóm hnolo alì tilob boohen angat twél le te kulu yó kem tau néléku mò tóbóng lówóhu ne yóm insinsu alì tilob boohen gel ntem le bè yóm dou Gónô, gotu hmou kul. Bè kmò le du ni kem ni tódô lolò le yóm deng tulónu kóm.”