Kehewà 34:5 - Udél Dwata: Gna Kesfasad ne Lomi Kesfasad

⁵ Omin Dwata mnaul elaan mung bè lobun ne mdà klohok Musis, bud tulónen boluyen, du se yóm Dwata hol gónó mogot.

Kehewà 34:5 Referans Kwoze

Kehewà 33:19

Mon Dwata se, “Hotu hiwesu bè soluhem yóm tey klinggelu ne heglalagu bè soluhem yóm dou boluy, yakà ou du se yóm sana Dwata hol gónó mogot. Tendo gel hegfanu bè yó kem tau deng néléku yóm tey kkoduhu kul.

Lista 11:25

Omin Dwata mnaul elaan mung bè lobun ne mudél ebè Musis. Wen nwahen bè yóm Tulusen deng tehe suen bè Musis ne bud suen bè yó kem hitu folò tau malak yó koni. Timbow gefet bélê le yóm kehtulus Dwata kul yó, tódô gotu tulón le yó kem udél htugod Dwata kul lómón yóm kul gel nmò yó kem tugod Dwata, bede tek són yó kmò le du.

Kehewà 33:9

Ke deng husek elemen Musis, wen lobun lememek ta yóm bak dól yóm Gónô Dwata yó, yóm lobun tmahà gel tukô gna kul. Ne gu lem yóm lobun yó gónó Dwata mudél ebè Musis.

Lista 11:17

Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Kem Udél Hlalak Tehe Selumun 18:10

Yóm Dwata mò gónó le heklung ne gónó le e mlo yó kem tau tedeng kmoen ne gónón hyu knóen.

Kem Lingón 102:21

Duhen yó, angat hnigal dóyón le yóm boluy Dwata bè Sayun, dóyón le bè Jirusalim,

Dwata 32:3

Yó gónón lómón ni udélu abay se dóyónu yóm boluy Dwata yóm sana Dwata hol gónó tekuy mogot. Hol dóyón tekuy yóm tey kegetahen yóm kut Dwata.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Lista 14:17

Duhen ni, Dwata, hkoduhe béléem, hol hegfanem bélê me yóm kegbekem ne hendohoem yóm tehe fasadem kum. Yó tehe monem mò kum,

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Kehewà 23:21

Hol hnungol ye yóm hógówu tukô gna kuy yó ne hol nimón ye. Hol bê ye abay tô natù, yakà dou boluy du yóm nwiten. Là kô hnifóten du yóm tau tô matù du.

Lista 12:5

Bè yóm kkól le bè yó, mnaul Dwata mung bè yóm tey lobun btol gu tta ne mdà bè bak dól yóm Gónóen ne tnabahen Aron ne Miryam, monen, “Ó Aron ne Miryam.” Tahu se, hloni le yóm lewu le.

1 Samwél 3:18

Tahu se, gotu tulón Samwél ke Ili yóm kdéen, laen dù bnosen du. Yó mon Ili mò du, “Dwata se yó, nmoen yóm hyu béléen.”