Kehewà 34:23 - Udél Dwata: Gna Kesfasad ne Lomi Kesfasad

²³ Bè yóm sfalay, tlu dulék le mógów ebéléu yó kem logi bélê ye na le e tmaba ebéléu, yakà ou du yóm sana kul Dwata hol gónó mogot yó kem tau Israél.

Kehewà 34:23 Referans Kwoze

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Kem Lingón 84:7

Bè yóm igò le mógów, sónmoen temnù kgis le efet ton le Dwata bè yóm kun bulul bè Sayun yóm Dwata hol dandónen geta bè kdéen dwata.

Tekang Kbuten 33:20

Omin Jakub semsodò botu bè yó mò gónón demsù ebè Dwata. Yó boluyen du yóm gónón demsù yó, Él Élohi Israél. Yó lanen, “Alì gembek yóm kun Dwata Israél.”

1 Samwél 1:3

Yóm Ilkana ni, tódô keten halay gel mógów etu bè Silu bè yóm Gónô Dwata, mung du yó kem fes lówóhen nan e tmaba ebè yóm Dwata laen dù là gbeken du ne nan e gel demsù ebéléen. Ne yó fen gel semblóng tau ebè Dwata bè yóm kmoen yó, yó kem lewu ngà Ili logi le Hufni ne Finihas.

2 Tutul Israél 8:13

Loloen yóm tehe hedsù Musis kul bè yóm Kdaw Kehegnô, ne bè yóm kdaw ksut lomi bulón, ne bè yóm tlu gel hnigal le ket halay, duhen yóm Kehligal bè Kdaw Khius, ne Kehligal muta ne Kehligal bè Slung.