Kehewà 34:21 - Udél Dwata: Gna Kesfasad ne Lomi Kesfasad

²¹ Wen nem kdaw ye mò du yóm kuy nmò. Okóm yóm ghituhen kdaw hol bê ye abay mò nmò, baluen ke bang kdaw ye dmadu duhen ke bang kdaw ye muta.

Kehewà 34:21 Referans Kwoze

Kun Snulat Luk 13:14

Okóm yóm tau hol mogot yóm gónô stifun bè yó, deng mom lembut lan Jisas hkó des bè yóm Kdaw Kehegnô. Yó udélen ebè yó kem tau bè yó, monen, “Igò sem nem kdaw du hol gel kmò tekuy nmò, yó dé tnana kehkó ye des. Béen mom bè yó dum Kdaw Kehegnô.”

1 Samwél 8:12

Wen se bélê le néléken mò malak lemibu tau ne wen se mò malak limu folò tau. Wen se bélê le mò hdaduhen bè tonoken ne wen se mò hutahen. Lemwót yó kem dumu, fen hmoen lu suk nit sfatay ne dumuhen fen hmoen ngom yóm klitun tók nit bè gida.

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Isaya 30:24

Yó kem safì ye ne yó kem kudà ye gel dmadu, tey tilob kehken ye kul.

Tekang Kbuten 45:6

Hanà gewuhen halay ni he mlan yóm bitil bong, limu halay he duen laen dù dmadu ne laen se dù muta.

Kehewà 31:15

Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du.

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.