Kehewà 34:18 - Udél Dwata: Gna Kesfasad ne Lomi Kesfasad

¹⁸ Tendo gel nmò ye yóm Kehligal bè Kken ye yóm Mambang Laen Dù Bulung Henoken, hol lómón yóm deng hlolou kuy. Hitu kdaw ye mken du yóm mambang laen dù bulung henoken bè yóm bulón Abib abay se yó se yóm bulón tehe ktebel ye yóm benwu Idyip.

Kehewà 34:18 Referans Kwoze

Hlolò 23:6

Hayahen bè yó duhen yóm gesfoloen limu kdaw, nbut ye ne mò du yóm kehligal ye mken du yóm mambang laen dù bulung henoken. Nbuten bè yóm kdaw yó, hitu kdaw ye là tagad mken du yóm mambang wen bulung henoken.Bè yóm hol tanay kdaw ye mò du, hol ye stifun tmaba ebè Dwata ne hol béen abay wen tagad mò nmò.

Kul Nmò 12:3

Timbow ton Hirod tey ktimu óyô yó kem Ju bè yóm deng kehfatayen ke Jim, yó gónón bud hekfô ke Pitér snéen. Uma kóm tolo geblà bè yóm kdaw kmò le ken bong bè yóm kken le yóm mambang laen dù bulung henoken.

Kun Snulat Luk 22:1

Móyónen bud hto ne yóm mò ken bong yó kem Ju gónó le gel mken du yóm mambang laen dù bulung henoken. Yó boluyen, mò ken bè Kdaw Khius.

Mark 14:1

Tek lewu kdaw ne duen kehto yóm mò ken bong yó kem Ju, yóm gel mon le Kdaw Khius, ne yó kem kdaw bud kken le du yóm mambang laen dù bulung henoken. Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hekfô ke Jisas anì ghatay le.

Kehewà 12:2

“Nim bulón ni, ni se hol tanay bulón bélê ye bè yóm lomi halay.

Kehewà 12:42

Ni se yóm kifu kbentey Dwata kul bè yóm kwiten kul hewà gu bè Idyip. Ne bud ni se yóm kifu deng htólóng le bè Dwata efet kól bè laen dù tul sónen. Ket halay le gel hmigal du ke sok bud kól yóm butengen, bud gel tles hningón nmò le se kul yóm tehe kbentey Dwata kul yó. Là gomongen bè nili yóm bérs 43 efet kól bè bérs 51. Yó tulónen yó kem hlolò Dwata kul bè Kdaw Khius.