Kehewà 34:16 - Udél Dwata: Gna Kesfasad ne Lomi Kesfasad

¹⁶ Ngangen efet le myehen bè kul libun yó kem ngà ye, yóm mit kul là hemtahu béléu ne mung le tmaba bè yóm kul dwata lennged.

Kehewà 34:16 Referans Kwoze

Juswa 23:12

Okóm ke knogol ye Dwata ne gmung ye bè yó kem tólóng tau dù tebel ta nim tonok ni ne ke myehen ye bélê le,

Juswa 23:13

tódô eles tulónu kuy, là kô bud lo Dwata du bélê ye ni kem dù hohon ye ni ke sok nundug ye lu. Deng mom lu gónó ye gholot, duhen ke lu yóm blatik gónó ye bkó. Ne tey sidek kdesen bélê ye, lómón ke nfes le gu tekwang ye ne lómón ke huling ye sual. Ngangen mò du bélê ye yóm yó efet ye gotu mekfung ta nim tey tonok hyu deng blayen kuy yóm sana kuy Dwata hol gónó mogot.

Kmukum 14:3

Okóm tey kekbê le du le maen ne yéen, mon le mò du, “Moen du ke ditu gónóm mebel yehen bè yó kem Flistin là temngón ke Dwata? Ilóem laen dù tonem libun bè ni kô bè kut kwen duhen ke bè yó kem dumu tau Israél?” Okóm yó mon Samsun mò ke maen, “Du yóm nóyóu mò yehenu. Nwa ye dou.”

1 Bok Kem Tau Hol Geta 11:1

Yóm Selumun tey dê libun kenbong nawahen lemwót bè tólóng benwu. Là olon ngà Faro libun du yehenen, bud wen libun yehenen lemwót bè benwu Muab ne bè benwu Ammun ne bè benwu Idom ne bè benwu Sidon. Ne bud wen he bè yó kem libun Hitayt yehenen.

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.

1 Bok Kem Tau Hol Geta 21:25

Laen kô dù tau mkél ke Ahab bè yóm alì khotuhen nawan mò du yóm sidek bè kton Dwata du. Yóm sidek nmoen ni, hono lemwót bè gel kubugen du yóm yehenen Jisébél.

2 Tutul Israél 21:11

Lelen yó he wen gónô tmaba ebè dwata kéng hdaen ta yó kem bulul bè Juda, nalaken yó kem tau bè Jirusalim ne yó kem tau bè Juda tmaba ebè yó kem dwata kéng.

Kem Lingón 106:39

Deng gholu le kul knô lemwót bè yó kem sidek gel nmò le. Ne yóm alì kóyô le tmaba bè yó kem dwata lennged, bè kton Dwata du, hol lómón ke deng le mò samuk béléen.

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”