Kehewà 34:15 - Udél Dwata: Gna Kesfasad ne Lomi Kesfasad

¹⁵ Béen abay wen senkotuk ye bè yó kem tau bè yóm benwu yó, abay se ke demsù le ebè yóm kul dwata lennged ne ke tmaba le ebélê le, ngem kà tinok le kuy anì mung ye bélê le ne gsindil ye mken du yóm ken deng dsù le ebè yóm kul dwata.

Kehewà 34:15 Referans Kwoze

Kmukum 2:17

Okóm yó kem tau Israél, là kô le dog hmungol bè yó kem tau tô malak kul. Deng le mom tmaba ebè yó kem dumu dwata ne mtud le bukol bè solu le. Yó kem tehe fù le, tey kimón le du yó kem hlolò Dwata kul. Okóm ni kem lomi ból Israél ni, tódô kendel knogol le Dwata, là kô le mimón.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Kem Lingón 106:28

Omin yó kem fù tekuy, deng le mom mung tmaba ebè Baal bè Pyor, ne balù yóm deng dsù le ebè matay, sana kken le du.

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

1 Kurin 10:27

Sotuhen, ke wen wè ye là hemtahuhen, ke tinoken yu mken bè gónóen, ke maan se nawa ye, na mken ye béléen sen. Balù kihu blayen kóm, gbóti mken. Omin he ke snólók ye, anì là megewu kehedem ye du yó kem ken ye bè yó.

1 Kurin 8:10

Mò kmoen se, lemwót bè yóm deng ketngón tekuy yóm ktahuhen, fen tekuy mken lem gónô yóm dwata kéng. Ke wen tau tolo megewu kehedemen du mton tekuy, déke gbót mken se kun yóm ken deng dsù le bè dwata kéng, igoen tolo megewu kehedemen du.

1 Kurin 8:7

Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

Kehewà 34:12

Bê ye abay mit sbilà bè yó kem tau nô bè yóm benwu gónó ye e solu abay se ke nmò ye yóm yó, yó se gónó ye gholot bélê le, yóm gónó ye là gemmò bélê le.

Deng Hegfan 2:20

Bede wen se kenbéu bélê ye. Yó kenbéu yóm sotu libun nô bélê ye bè yó lembù tmugod ke Dwata boluyen Jésébél. Tódô kem bayà ye du yóm gel ktoloken, ne deng mom niten lu hetlas yó kem tau hemtahu béléu, deng mom nbóten lu mò samuk, ne yóm kegken le yóm ken deng dsù le ebè yó kem dwata kéng.

Husiya 4:12

Deng le mom smólók bè yó kem dwata lennged nmò le bè koyu, mò tmulón du kul yóm tô nmò le. Ofo kul mon du ke gbek yóm koyu tmulón du kul yóm angat kmoen elem hulin kdaw. Mlan bè kehdeen le yó kem dwata kéng gónó le deng mom tlas. Hol le mkél bè yóm libun hdóyón abay se deng le mung bè yó kem dwata kéng ne deng knogol le yóm sana kul Dwata.

Kem Lingón 73:27

Yó kem tau kmogol nawa kóm, Dwata, angat le gotu matay. Yó kem tau là teneb le béléem, genlaem lu.

Isra 6:9

Ket kdaw, hol blay ye bè yó kem tau gel blóng ebè Dwata bè Jirusalim yóm wen mu le du bè yóm gel kedsù le ebè Dwata. Benlay ye lu kem ngà safì tudu ne yó kem ubiha logi ne kem ngà ubiha mò dsù hkekeb le ebè yóm Dwata nô bè longit. Bè yóm gel kedsù le, ke wen mu le du halay duhen ke kahì duhen ke yóm gel ninum le duhen ke hnolo ulib, hol blay ye kul ket kdaw.

Dwata 7:2

Ke deng blay Dwata lu elem hólól ye ni kem tau ni ne ke deng ye gemmò bélê le, tódô gotu himot hnatay ye lu. Bê ye abay mit sbilà bélê le ne hol bê ye abay knodu lu.

Kehewà 34:10

Yó mon Dwata mò ke Musis, “Yu kem tau Israél, ni wen senfasad tekuy. Yó fasadu kuy, angat nmou bè yó kem hohon ye yóm tey knikò bong là deng wen hmikót mton du talak tonok. Kdê yó kem tau Israél gotu ton le ni kem tey knikò angat nmou ni. Ou se yóm sana Dwata hol gónó mogot mò du bélê ye nim tey knikò angat nmou ni.

Kehewà 23:32

Hol bê ye abay mit sbilà bélê le, dalang se bè yó kem kul dwata lennged.

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Lista 25:1

Bè yóm kkamfù yó kem tau Israél bè Datal Akasya yó nmò le, deng mom wen bélê le mò samuk bè yó kem libun Muab nô bè yó.

Dwata 7:3

Bê ye abay myehen bélê le, dalang se yó kem ngà ye bê ye abay hyehen lu ebélê le.

Dwata 32:37

Omin Dwata yó smólók yó kem tauhen, monen mò kul, ‘Nô se lu du yó kem dumu dwata tehe snalig ye yóm gel mon ye, wen genbek le?

Dwata 32:38

Deng gel henken ye lu abù yó kem dsù ye ne deng gel benlay ye lu tifas grép mò ninum le. Hógów ye lu edini kun anì tnóbóng le yu. Henslò ye lu dé anì géhél lenwà le yu.

Juswa 23:12

Okóm ke knogol ye Dwata ne gmung ye bè yó kem tólóng tau dù tebel ta nim tonok ni ne ke myehen ye bélê le,

Dwata 31:18

Bè yóm kdaw yó, là kóe bud móyô tmóbóng kul abay se tey sidek yóm nmò le bè yóm ktaba le ebè yó kem dumu dwata.”