Kehewà 34:12 - Udél Dwata: Gna Kesfasad ne Lomi Kesfasad

¹² Bê ye abay mit sbilà bè yó kem tau nô bè yóm benwu gónó ye e solu abay se ke nmò ye yóm yó, yó se gónó ye gholot bélê le, yóm gónó ye là gemmò bélê le.

Kehewà 34:12 Referans Kwoze

Dwata 7:2

Ke deng blay Dwata lu elem hólól ye ni kem tau ni ne ke deng ye gemmò bélê le, tódô gotu himot hnatay ye lu. Bê ye abay mit sbilà bélê le ne hol bê ye abay knodu lu.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Kem Lingón 106:36

Tmaba le ebè yó kem dwata lennged le, ne yó se mit kul meglà.

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.

1 Bok Kem Tau Hol Geta 11:2

Tehe wen hlolò Dwata kul yó kem tauhen, hol bê le abay myehen bè yó kem libun lemwót bè tólóng benwu, abay se ke myehen le bè yó, nwit le lu tmaba ebè yóm kul dwata kéng. Okóm ke Selumun, mom duilen miwol yó kem libun lemwót bè tólóng benwu.

2 Bok Kem Tau Hol Geta 17:10

Hdà le ta yó kem bulul lemnek, ne laan yó kem koyu lemimbà hangahen, wen hehek botu yóm kul dwata kéng hdà le bè yó, ne yóm hehek ilô yóm dwata libun boluyen Asira.

2 Tutul Israél 24:18

Yó atul le, tódô bayà le yóm Gónô Dwata, ne yóm Dwata yó kem tehe fù le, ne tmaba le ebè yóm hehek yóm dwata libun boluyen Asira ne bè yó kem dwata lennged. Bè yóm salà nmò le yó, tey kebut Dwata kul yó kem tau bè benwu Juda ne bè Jirusalim.

Lista 33:52

hol gotu lo ye lu yó kem tau nô bè yóm benwu yó. Gotu genbà ye yó kem dwata kéng gel nmò le bè botu ne bè yó kem dumu gel tenwél le. Gotu genbà ye snéen yó kem gónó le gel tmaba ebélê le.

Dwata 31:5

Angat blay Dwata lu elem hólól ye ne hol nmò ye bélê le yóm deng monu mò kuy.

Juswa 9:7

Okóm yó mon yó kem tau Israél, “Déke menwu ye moni bè ni. Ke menwu ye moni bè ni, là gbek me du mit sbilà bélê ye.”

Kmukum 6:10

Deng tehe tulónu kuy ou se yóm sana kuy Dwata hol gónó mogot. Hol bê ye abay tmaba ebè yó kem kul dwata kéng yó kem tau Amurayt, yó kem tau tehe menwu ta nim tonok gónó ye nô ni. Okóm là kô hnungol ye do.’ ” Yó se udélen ebélê le yóm tugod Dwata.