Kehewà 34:10 - Udél Dwata: Gna Kesfasad ne Lomi Kesfasad

¹⁰ Yó mon Dwata mò ke Musis, “Yu kem tau Israél, ni wen senfasad tekuy. Yó fasadu kuy, angat nmou bè yó kem hohon ye yóm tey knikò bong là deng wen hmikót mton du talak tonok. Kdê yó kem tau Israél gotu ton le ni kem tey knikò angat nmou ni. Ou se yóm sana Dwata hol gónó mogot mò du bélê ye nim tey knikò angat nmou ni.

Kehewà 34:10 Referans Kwoze

Dwata 10:21

Hol gel dóyón ye yakà du se yóm kuy Dwata ne deng tódô kuy mata se mton du yó kem tey hentaw ton tehe nmoen mò gónón tmóbóng kuy.

Kem Lingón 77:14

Uu se yóm Dwata mò du yó kem tey dê hentaw ton. Deng hegfanem bè yó kem tólóng tau yóm tey kegbekem.

Isaya 64:3

Lómón yó se yóm tehe nmoem ekni, tódói sut lem blóng me ne tey tehe sidek knikò yóm hetnga nmoem. Gbót le likò se kul yó kem bulul, gotu le megsinsig.

Kem Lingón 66:5

Géhél ye dé, na ye na tengel yóm deng nmò Dwata. Wen tey hentaw ton nmoen bè kem kun tau.

Jirimaya 32:21

Lemwót bè yó kem tey dê hentaw ton tehe nmoem, yó gónón sidek klikò le yó kem hohon me. Tódô mlan bè yóm tey kegbekem ne yóm tey kfasangem gónóm tehe mit kul hewà gu bè Idyip yó kem tauhem Israél.

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Kem Lingón 78:12

Tey wen hentaw ton tehe nmò Dwata bè yó kem fù le bè yóm tehe knô le bè Idyip bè datal Suan.

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Dwata 32:30

Bè tek olo sotu hohon le, botong le lemibu hemlóy du. Bè tek lewu hohon le, botong le sfolò libu hemlóy kul. Yó gónó le mlóy abay se deng bayà Dwata lu yóm sana kul Dwata gónó mogot. Deng tódô lusen lu elem tdok yó kem hohon le yóm kul Dwata alì gembek.

Juswa 6:20

Tahu se, bè yóm kungol kem sendalù du yóm tey uni féw htawid, tódô hendlà le mensag se kul. Ne tódô sen-gengen se gbà yóm beng hmilol Jiriku. Omin le yó tódô mógów hekteng elemen yó kem sendalù Israél ne nled le yóm syudad yó.

Kehewà 34:27

Yó mon Dwata mò ke Musis, “Snulatem ni kem udél ni abay se lemwót bè ni kem hlolou kuy ni gónón mbut yóm deng kesfasad tekuy kem tau Israél.”

Kem Lingón 145:6

Angat gel sentulón yó kem tau yóm tey kegbekem, ne angat gel hbólu yóm tey kegetahem.

Kem Lingón 106:22

yóm mò yó kem alì tennga bè tonok Ham ne bè Mohin Hulô.

Kem Lingón 76:12

Sal gel heglaan Dwata yó kem ngà tau hol geta hegeta knô, ne du se knikò yó kem tau hol geta bè klamangen benwu.

Kem Lingón 65:5

Ó Dwata, yóm gel lemwà kum, gel bnalaem se yóm kni me béléem mlan bè yóm kehegmoem kum bè kem hohon me. Tey dê hentaw ton nmoem mò gónóm lemwà kum. Gotu snalig le uu yó kem tau bè klamangen benwu. Balù yó kem tau fatu mohin, snalig le uu snéen kul.

Kem Lingón 147:20

Laen dù dumu tau bè kem dumu benwu gónón mò du nim ni. Là kô tngón le du kul yó kem hlauhen. Hol dóyón tekuy Dwata.

Dwata 4:13

Tulón ye kul yóm deng kesfasad ye Dwata ditu bè Bulul Sinay, duhen yóm hol kimón ye yóm sfolò kem kun hlau kuy, yóm hlau deng snulaten bè lewu botu kufil.Bud bè yóm kdaw yó snéen kehtolok Dwata du dou bélê ye yó kem kun dumu hlau kuy ne yó kem kun hlolò kuy mò tendo nimón ye ke deng ye kól ta yóm tonok móyón hfunen kuy mò gónó ye angat henek nô.

Kem Lingón 68:35

Tey knikò yóm Dwata nô lem yóm kun Gónô, yóm Dwata yó kem tau Israél. Du se bemlay kfasang ne kgis bè yó kem tauhen. Hol megdóyón yóm Dwata.

Kehewà 34:28

Botong fat folò buteng yóm knô Musis bè yó bè Dwata ne là kóen mken bè yóm knóen bè yó ne là se kóen minum. Gotu snulaten bè yó kem botu kufil yó kem sfolò hlau Dwata kul bè yóm kesfasad le. Yó kem hlau yó, deng fasad yó kem tau Israél ke Dwata yóm kimón le du.

Dwata 9:19

Botonge likò bè yóm tey sidek kebut Dwata yó, yóm lebut hol bang gónón gemlà kuy. Okóm yóm Dwata nahen na bud hnungol ou.

Kem Lingón 72:18

Hol dóyón tekuy Dwata, yóm kut Dwata kem tau Israél. Tek són du gembek mò kul ni kem hyu hnihu ni koni.

Kem Lingón 136:4

Hol dóyón tekuy Dwata, tek són du gembek mò du yó kem tey hentaw ton. Laen kô dù tul sónen yóm kbong nawahen tekuy là monolen.