Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.
Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”
Bè yóm gel kestulón le Dwata ne Musis, tódô le suyó lómón ke stulón yóm tau swè. Ke deng deng kestulón le, omin Musis mulék ebè kamfù le, fen tebel bè Gónô Dwata yóm tau lomi lemnok tóbóng lówóhen boluyen Juswa ngà Nun.
Omin Dwata bud mon du mò ke Musis, “Ó Musis, là buden té ne klowilem. Tnabahem Juswa ne nwitem elem yóm Gónô gónóhu nô lem blóng ye anì tulónu du yó kem mò hlolou du.” Tahu se, lemwót Musis lewu le Juswa elem Gónô Dwata